ಪ. ಬಂಗಾಳೊಡು ಕಾಂಗ್ರೆಸ್-ಟಿಎಂಸಿ ನಡುಟು ಭಿನ್ನಾಭಿಪ್ರಾಯ?: ರಾಹುಲ್ ರ್‍ಯಾಲಿಗ್ ಅನುಕೊರಂದಿನ ಸರ್ಕಾರ

Last updated on January 26th, 2024 at 08:07 pm

ಪಡ್ಡಾಯಿ ಬಂಗಾಳ: ಪಡ್ಡಾಯಿ ಬಂಗಾಳೊಡು ಭಾರತ ಜೋಡೊ ನ್ಯಾಯಯಾತ್ರೆದ ಲೆಕ್ಕೊಡು ಕೆಲ ಸಾರ್ವಜನಿಕ ಇನಯೊಲೆನ ನಡಪಾಯೆರ ಅನುವು ಗೆತೊನುನೆಟ್ ಕಾಂಗ್ರೆಸ್ ಪಕ್ಷೊಗು ತಲೆಪುಲು ಎದುರಾವೊಂದುಲ್ಲ ಪಂದ್ ಪಡ್ಡಾಯಿ ಬಂಗಾಳ ಕಾಂಗ್ರೆಸ್ ರಾಜ್ಯ ಘಟಕೊದ ಅಧ್ಯಕ್ಷೆ ಅಧೀರ್ ರಂಜನ್ ಚೌಧರಿ ತೆರಿಪಾದೆರ್.

ಸುದ್ದಿಗಾರೆರೆಡ ಪಾತೆರ್ನ ಆರ್, ಪಕ್ಷ ಕೆಲ ಜಾಗೆಲೆಡ್ ಸಾರ್ವಜನಿಕ ಇನಯೊಲೆನ್ ನಡಪಾಯೆರ ಬಯಕ್‌ದಿತ್ತ್ಂಡ್, ಆಂಡ ಶಾಲೆದ ಪರೀಕ್ಷೆಲೆರ್ದಾವರ ಅನುವು ತಿಕ್ಕೊಂದಿಜ್ಜಿ ಪಂದ್ ಪಂಡೆರ್.

ಭಾರತ ಜೋಡೊ ನ್ಯಾಯಯಾತ್ರೆ ಅಸ್ಸಾಂ ಸೇರ್ದ್ ಈಶಾನ್ಯೊದ ರಾಜ್ಯೊಲೆಡ್ ಬಂಙ ಬೈದ್ಂಡ್. ಇತ್ತೆ ಟಿಎಂಸಿ ಆಲ್ಮೆದ ಪಡ್ಡಾಯಿ ಬಂಗಾಳೊಡ್ಲಾ ತಲೆಪುಲು ಎದುರಾವೊಂದುಲ್ಲ ಪಂದ್ ಆರ್ ಪಂಡೆರ್.