Last updated on January 30th, 2024 at 03:45 pm
ಅಲಪ್ಪುೞ: ಬಿಜೆಪಿ ನಾಯಕೆ ರಂಜಿತ್ ಶ್ರೀನಿವಾಸನ್ ಹತ್ಯೆ ಪ್ರಕರಣೊಗು ಸಂಬಂಧಿತ್‌ದ್ 15 ಜನ ಆರೋಪಿಲೆಗ್ ಕೇರಳ ನ್ಯಾಯಂತಡೆ ಇನಿ ಮರಣದಂಡನೆ ಶಿಕ್ಷೆ ಕೊರ್ತುಂಡು.
ಡಿಸೆಂಬರ್ 19, 2021ತಾನಿ ಬಿಜೆಪಿ ಒಬಿಸಿ ವಿಭಾಗೊದ ನಾಯಕೆ ರಂಜಿತ್ ಶ್ರೀನಿವಾಸನ್‌ರೆನ ಹತ್ಯೆಗ್ ಸಂಬಂಧಿತ್‌ದ್ ನೈಸಮ್, ಅಜ್ಮಲ್, ಅನೂಪ್, ಮುಹಮ್ಮದ್ ಅಸ್ಲಂ, ಅಬ್ದುಲ್ ಕಲಾಂ ಅಲಿಯಾಸ್ ಸಲಾಂ, ಅಬ್ದುಲ್ ಕಲಾಮ್, ಸಫ್ರುದ್ಧೀನ್, ಮನ್ಷದ್, ಜಸೀಬ್ ರಾಜಾ, ನವಾಸ್, ಸಮೀರ್, ನಝೀರ್, ಝಾಕಿರ್ ಹುಸೈನ್, ಶಾಜಿ ಪೂವತ್ತುಂಗಲ್ ಬೊಕ್ಕ ಶ್ರೇನಸ್ ಅಶ್ರಫ್ ಸೇರ್ದೊ ಮಾತಾ ಆರೋಪಿಲೆನ್ಲಾ ದೋಷಿಲು ಪಂದ್ ನ್ಯಾಯಂತಡೆ ಘೋಷಣೆ ಮಲ್ದ್ಂಡ್.
ಕೇರಳೊಡು ಒಂಜೇ ಪ್ರಕರಣೊಡು ಈತ್ ಜನೊಕು ಮರಣದಂಡನೆ ಕೊರ್ತಿನ ಉ್ಂದುವೇ ಸುರು.
2021ದ ಡಿಸೆಂಬರ್ 19 ಗ್ ರಂಜಿತ್ ಶ್ರೀನಿವಾಸ್‌ರೆನ್ ಆರೆನ ಇಲ್ಲಡೇ ಭೀಕರವಾದ್ ಕೆರ್ದಿತ್ತೆರ್. ರಂಜಿತ್‌ರೆನ ಅಪ್ಪೆ, ಬೊಡೆದಿ ಬೊಕ್ಕ ಬಾಲೆದ ಎದುರೇ ದುಷ್ಕರ್ಮಿಲು ಕೊಚ್ಚಿದ್ ಕೆರ್ದಿತ್ತೆರ್. ರಂಜಿತ್ ಶ್ರೀನಿವಾಸ್ ಬಿಜೆಪಿ ಒಬಿಸಿ ಮೋರ್ಛಾದ ರಾಜ್ಯ ಕಾರ್ಯಂತೆರಾದಿತ್ತೆರ್.