Last updated on January 31st, 2024 at 09:39 am
ಲೋಕಸಭಾ ಓಟುದು ಒಡಿಪು-ಚಿಕ್ಕಮಗಳೂರು ಕ್ಷೇತ್ರೊಡು ಬಿಜೆಪಿದ ಅಭ್ಯರ್ಥಿಯಾಗ್ ಮೀನುಗಾರೆರೆನ ಸಮಾಜದ ಪ್ರಮೋದ್ ಮಧ್ವರಾಜ್ ಮೆರೆಗ್ ಟಿಕೆಟ್ ಕೊರೊಡು ಪನ್ದ್ ಮೀನುಗಾರೆರೆ ಸಂಘಟನೆದಕುಲು ಆಗ್ರಹ ಮಲ್ದೆರ್.
ಸಂಘಟನೆದ ಕಿಶೋರ್ ಡಿ.ಸುವರ್ಣ ಪಾತೆರ್ದ್ 2019ಡು ಬಿಜೆಪಿ ಒವ್ವೇ ಒಬಿಸಿದಕಲೆಗ್ ಟಿಕೆಟ್ ಕೊರ್ತುಜಿ. ರಾಜ್ಯದ ಜನಸಂಖ್ಯೆಡ್ 50 ಶೇಕಡಾ ಉಪ್ಪುನ ಒಬಿಸಿ ಅಭ್ಯರ್ಥಿಲೆಗ್ ಸೀಟ್ ಕೊರ್ತುಜಿ. ಪ್ರಮೋದ್ ಮಧ್ವರಾಜ್ ರಾಜಕೀಯ ಹಿನ್ನೆಲೆ ಇತ್ತಿನ ಜನ. 12 ವರ್ಸೊಡು ಮೊಗವೀರ ಮಹಾಜನ ಸಂಘದ ಅಧ್ಯಕ್ಷೆಯಾದ್, 13 ವರ್ಸೊರ್ದು ಕರ್ನಾಟಕ ಕರಾವಳಿ ಮೀನುಗಾರೆರೆನ ಕ್ರಿಯಾ ಸಮಿತಿದ ಗುರ್ಕಾರೆಯಾದ್ ಸಾರ್ವಜನಿಕ ಸೇವೆ ಮಲ್ದೆರ್. ಅರೆಗ್ ಟಿಕೆಟ್ ಕೊರೊಡು ಪನ್ದ್ ಪನ್ಡೆರ್.
ಈ ಪೊರ್ತುಡು ಮುಖಂಡೆರಾಯಿನ ಮೋಹನ್ ಬೆಂಗ್ರೆ, ಅನಿಲ್ ಕುಮಾರ್ ಚೊಕ್ಕಬೊಟ್ಟು, ಉಮೇಶ್ ಜಿ. ಕರ್ಕೇರ, ಭರತ್ ಕುಮಾರ್, ಸದಾನಂದ ಬಂಗೇರ, ಪುಂಡಲೀಕ, ರಾಜೇಶ್ ಪುತ್ರನ್ ಪತ್ರಿಕಾಘೋಷ್ಟಿಡ್ ಇತ್ತೆರ್.