ನಿಟ್ಟೆ ಇಂಜಿನಿಯರಿಂಗ್ ಕಾಲೇಜಿದ ಮಾರ್ಚ್‌ಪಾಸ್ಟ್‌ಡ್ ಮೆನ್ಕಿನ ಕೇಪುಲ ರಂಗ್, ತುಳುವ ಕೊಡಿ! ತುಳುವೆರೆನ ಉಡಲ್ ಗೆಂದೊಂದಿಪ್ಪುನ ತುಳುನಾಡ ಪೆರ್ಮೆದ ಕಾಲೇಜ್

Last updated on January 31st, 2024 at 02:32 pm

ನಿಟ್ಟೆ ವಿಶ್ವವಿದ್ಯಾಲಯದ ನಿಟ್ಟೆ ಮಹಾಲಿಂಗ ಅಡ್ಯಂತಾಯ ಮೆಮೋರಿಯಲ್ ಇನ್‌ಸ್ಟಿಟ್ಟೂಟ್ ಆಫ್ ಟೆಕ್ನಾಲಜಿದ ಅಪಗಪಗ ತುಳುಪರ ಬೇಲೆ ಮಲ್ತೊಂದು ತುಳು ಒರಿಪಾವುನ ದಿಸೆಟ್ ತನ್ನವೇ ಆಯಿನ ಕೊಡುಗೆ ಕೊರೊಂದಿಪ್ಪುಂಡು. ಇನಿ ಗೊಬ್ಬುದ ಕಲೊಟು ನಡತಿನ ಮಾರ್ಚ್‌ಪಾಸ್ಟ್ ಡ್ Artificial Intelligence & Data Science ಬ್ರಾಂಚ್‌ದಕಲೆನ ಟೀಮ್ ಸುರುತ ಇನಾಮ್ ಪಡೆಂಡ್. ಇಸೇಸ ದಾದ ಪನ್ಡ ಮೊಕಲೆನ ಮಾರ್ಚ್‌ಪಾಸ್ಟ್ ಡ್ ತುಳುವ ರಂಗ್ ಕೇಪುಲ ಬೊಕ್ಕ ತುಳುನಾಡ ಕೊಡಿ ಮೆನ್ಕೊಂದಿತ್ತ್ಂಡ್. ತುಳು ಒರಿಪಾವೊಡು ತುಳು ಬುಲೆಪಾವೊಡು ಪನ್ಪಿನ ಈ ಪೊರ್ತುಡು AI & DS ಬ್ರಾಂಚ್‌ದಕುಲು ಮಲ್ತಿನ ಈ ಪುನೆಪು ಕಾಲಿ ಕಾಲೇಜ್ ಮಾತ್ರ ಅತ್ತ್ ತುಳುನಾಡೊರ್ಮೆ ಪುಗಾರ್ತೆ ಪಡೆದ್ ವೈರಲ್ ಆವೊಂದುಂಡು. ಈ ಜೋಕುಲೆನ ತುಳು ಮೋಕೆಗ್ ತುಳು ಸಮಾಚಾರದ ಒಂಜಿ ಮಲ್ಲ ಸಲಾಂ!