Last updated on August 24th, 2022 at 07:49 am
ಸಪ್ಟೆಂಬರ್ 21ತ್ತ ಉಲಾಯಿ ಕಾಂಗ್ರೇಸ್ ಪಾರ್ಟಿಗ್ ಪೊಸ ಗುರ್ಕಾರ್ಲು ಬರ್ಪೆರ್. ಅಂಗಾರೆ ಇತ್ತೆದ ಗುರ್ಕಾರ್ಲಾಯಿನ ಸೋನಿಯಾ ಗಾಂಧಿ ಅಶೋಕ್ ಗೆಹ್ಲೋಟ್’ಡ ಪಾತೆರಕತೆ ಮಲ್ತಿನೆರ್ದಾವರ ಆರ್ ನನ ದುಂಬುದ ಗುರ್ಕಾರೆ ಆಪಿನ ಸಾಧ್ಯತೆ ಉಂಡು.
ರಾಹುಲ್ ಗಾಂಧಿ ತಾನ್ ಇತ್ತೆನೇ ಗುರ್ಕಾರ್ಮೆ ದೆತೊನರೆ ತಯಾರಿಜ್ಜಿ ಪನ್ದ್ ತನ್ನ ಪಾರ್ಟಿದ ಪೆರಿಯಾಕ್ಲೆಗ್ ತೆರಿಪಾದೆರ್ ಅಂಚೆನೆ ಸೋನಿಯಾ ಗಾಂಧಿಗ್ಲಾ ಪಿರಯ ಆಂಡ್ ಬೊಕ್ಕ ಹುಸಾರಿಜ್ಜಿ. ಇಂಚ ಉಪ್ಪುನಗ ಗಾಂಧಿ ಪರಿವಾರ ಬುಡ್ದ್ ಬೇತೆ ಏರಾಂಡಲ ಕಾಂಗ್ರೇಸ್ ಗುರ್ಕಾರ್ಮೆ ಪಟ್ಟ ಪತ್ತುನ ಅನಿವಾರ್ಯ ಆದುಂಡು.
ಆಂಡ ಗೆಹ್ಲೋಟ್ ಮೇರ್ ಕಾಂಗ್ರೇಸ್ ರಾಹುಲ್ ಗಾಂಧಿ ಗುರ್ಕಾರೆ ಆಂಡ ಮಾತ್ರ ಸಮ ಆವು, ಆರ್ ಇಜ್ಜಿಡ ಕಾಂಗ್ರೇಸ್ ಗ್ ಭವಿಷ್ಯ ಇಜ್ಜಿ, ಪಾರ್ಟಿದಕಲೆನ ಮಾತೆರೆನ ಪಾತೆರ ಕೇನ್ದ್ ಆರ್ ಗುರ್ಕಾರೆ ಆವೊಡು ಪನ್ದ್ ಪಂಡೆರ್.
