ಅರುಣ್ ಪುತ್ತಿಲ ಬಿಜೆಪಿಗ್ ಬತ್ತೆರ್ಡ ಸರಿಯಾಯಿನ ಸ್ಥಾನಮಾನ ಕೊರ್ಪ : ಸತೀಶ್ ಕುಂಪಲ

Last updated on March 3rd, 2024 at 07:46 am

ಅರುಣ್ ಪುತ್ತಿಲ ಬಿಜೆಪಿಗ್ ಬತ್ತೆರ್ಡ ಅರೆಗ್ ಮಾತಾ ಗೌರವದೊಟ್ಟುಗು ಸಮವಾಯಿನ ಸ್ಥಾನಮಾನ ಕೊರ್ಪ ಪನ್ದ್ ಬಿಜೆಪಿ ಕುಡ್ಲದ ಜಿಲ್ಲಾಧ್ಯಕ್ಷೆ ಸತೀಶ್ ಕುಂಪಲ ಮೇರ್ ಪನ್ಡೆರ್.

ಅರುಣ್ ಪುತ್ತಿಲೆರೆನ ಒಟ್ಟುಗು ಬಿಜೆಪಿದ ರಾಜ್ಯಾಧ್ಯಕ್ಷೆರ್, ಸಂಘಟನಾ ಕಾರ್ಯಂತೆರ್ ಅಂಚೆನೊ ಪೆರಿಯಾಕುಲು ಪಾಕ ಸಲ ಪಾತೆರಕತೆ ಮಲ್ದೆರ್. ಅಕುಲು ಮಾತೆರ್ಲಾ ಪುತ್ತಿಲೆರ್ ಬಿಜೆಪಿಗ್ ಗೋಡ್ಯರೆ ಒತ್ತೊಂದೆರ್. ಈ ವಿಚಾರೊಡು ಬಿಜೆಪಿ ಟೈಪಾಸ್ ಮಲ್ದಿಜಿ. ಅರುಣ್ ಪುತ್ತಿಲ ಮೇರ್ ಪೆರಿಯಾಕ್ಲೆಡ ಪಾತೆರ್ನಗ ಪಕ್ಷೊಡು ಜಿಲ್ಲಾ ಇಜಿಂಡ ಮಂಡಲ ಅಧ್ಯಕ್ಷನ ಸ್ಥಾನ ಬೋಡು ಪನ್ದ್ ಪನ್ತೆರ್. ಆಂಡ ಬಿಜೆಪಿ ಸೇರ್ನಗ ಒವ್ವೇ ಷರತ್ತ್ ದೀಪಿನ ಕ್ರಮ ಇಜ್ಜಿ. ಪ್ರತಿಯೊರಿಲಾ ಸಾಮಾನ್ಯ ಕಾರ್ಯಕರ್ತೆ ಆದ್ ಬರೊಡು ಬೊಕ್ಕ ಅಕಲೆಗ್ ಬೋಡಾಪಿನ ಸ್ಥಾನಮಾನ ತಿಕ್ಕುಂಡು. ಪುತ್ತಿಲೆರ್ಲಾ ಬಿಜೆಪಿಗ್ ಸೇರಿಯೆರ್ಡ ಅರೆಗ್ ಸ್ಥಾನಮಾನ ತಿಕ್ಕುಂಡು. ಆರ್ ಬೇಗೊಡು ಬಿಜೆಪಿ ಸೇರುವೆರ್ ಪನ್ಪಿನ ವಿಶ್ವಾಸ ಉಂಡು ಪನ್ದ್ ಪನ್ಡೆರ್.