Last updated on March 5th, 2024 at 09:56 am
ರಾಮಕುಂಜ: ಬೈಕ್ ಬೊಕ್ಕ ಮಿನಿ ಗೂಡ್ಸ್ ಗಾಡಿದ ನಡುಟು ನಡತಿನ ಎಡ್ತೆಡ್ ಬೈಕ್ ಬುಡೊಂದಿತ್ತಿನ ಜವನೆ ತೀರ್ದಿನ ನಡಕೆ ಉಬಾರ್- ರಾಮಕುಂಜ ಗ್ರಾಮೊದ ಗೋಳಿತ್ತಡಿ ಪನ್ಪಿನವುಲು ಮಾ.4 ತಾನಿ ರಾತ್ರೆ ನಡತ್‌ದ್ಂಡ್.
ಪುತ್ತೂರು ವಿವೇಕಾನಂದ ಡಿಗ್ರಿ ಕಾಲೇಜಿದ ಫೈನಲ್ ಬಿ.ಎ. ವಿದ್ಯಾರ್ಥಿ, ಬೊಲ್ತೇರ್ ತಾಲೂಕ್‌ದ ಬಾರ್ಯ ಗ್ರಾಮೊದ ಅಜೀರ ನಿವಾಸಿ ಗುರುವಪ್ಪ ಪನ್ಪಿನಾರೆನ ಮಗೆ ಶ್ರೀಜಿಸ್(20ವ.)ತೀರ್ದಿನಾರ್. ಶ್ರೀಜಿಸ್ ರಾಮಕುಂಜ ಶಾರದಾನಗರಡ್ ಇಪ್ಪುನ ತನ್ನ ಸಿದ್ಯಪ್ಪೆನ ಇಲ್ಲಗ್ ಬತ್ತ್‌ದ್ ರಾತ್ರೆ ನೆಕ್ಕರೆ ಪೆಟ್ರೋಲ್ ಬಂಕ್‌ದಲ್ಪರ್ದ್ ಗೋಳಿತ್ತಡಿದಂಚಿಗ್ ಬರೊಂದಿತ್ತಿನ ಪೊರ್ತುಡು ಉಬಾರ್‌ರ್ದ್ ಕಡಬದಂಚಿ ಪೋವೊಂದಿತ್ತಿನ ಮಿನಿ ಗೂಡ್ಸ್ ಗಾಡಿದ ನಡುಟು ಗೋಳಿತ್ತಡಿದ ಮುಟ್ಟಡ್ ಎಡ್ತೆ ನಡತ್‌ದ್ಂಡ್. ನಡಕೆಡ್ ಗಾತಿದ ಪೆಟ್ಟಾದಿತ್ತಿನ ಶ್ರೀಜಿಸ್‌ರೆನ್ ಅಪಗನೇ ಕುಡ್ಲದ ಪ್ರೈವೇಟ್ ಆಸ್ಪತ್ರೆಗ್ ಲೆತೊಂದು ಪೋದು ಮರ್ದ್ ಮಲ್ತ್ಂಡಲಾ ಮರ್ದ್ ಪಲಿಪಂದೆ ಆರ್ ತೀರ್ದೆರ್ ಪಂದ್ ವರದಿಯಾತ್ಂಡ್‌. ತೀರ್ದಿನ ಶ್ರೀಜಿಸ್ ಅಮ್ಮೆರ್, ಅಪ್ಪೆ, ಅಂಚೆನೇ ಮಗ್ಯೆ/ಪಲಯಡಿಕುಲಾಯಿನ ಸುನೀಶ್ ಬೊಕ್ಕ ಸುಜಿಸ್‌ ಮೊಕಲೆನ್ ಆಗತ್‌ದೆರ್.