Last updated on March 11th, 2024 at 11:45 am
ಪುತ್ತೂರು: ಉಂತಾದಿತ್ತಿನ ಗೂಡ್ಸ್ ಲಾರಿಗ್ ಕಾರ್ ಒಂಜಿ ಎಡ್ತಿನೆರ್ದಾವರ ಕಾರ್‌ಡಿತ್ತಿನ ನಾಲ್ವೆರೆಗ್ ಗಾತಿದ ಗಡಿಕುಲಾದ್, ಒರ್ತಿ ಪೊಂಜೊವು ಆಸ್ಪತ್ರೆಡ್ ಮರ್ದ್ ಪಲಿಪಂದೆ ತೀರ್ದೆರ್.
ಗುಲಾಬಿ (55) ತೀರ್ದಿನಾರ್. ಮೆರೆನ ಕಂಡನೆ ಕೃಷ್ಣಪ್ಪ ನಾಯ್ಕೆರೆಗ್ ಗಾತಿದ ಗಡಿಕುಲಾತ.
ಮರೀಲ್ ನ ಕ್ಯಾಂಪ್ಕೋ ಚಾಕೊಲೇಟ್ ಫ್ಯಾಕ್ಟರಿದಲ್ಪ ಈ ನಡಕೆ ನಡತಿತ್ತ್‌ದ್, ಎಡ್ತೆಡ್ ಗುಲಾಬಿ (55), ಕೃಷ್ಣಪ್ಪ ನಾಯ್ಕ (60) ಮೊಕಲೆಗ್ ಗಾತಿದ ಪೆಟ್ಟಾದಿತ್ತ್‌ದ್ ರೋಹಿಣಿ (32), ಗನ್ಯ (2) ಮೊಕಲೆಗ್ ಎಲ್ಯ ಗಡಿಕುಲಾತ. ಕಾಸ್ರೋಡ್ ಜಿಲ್ಲೆದ ಪೈವಳಿಕೆ ಗ್ರಾಮೊದ ಸುಳ್ಳಿಮಲೆತ ಒಂಜೇ ಇಲ್ಲದಕುಲು ಕಾರ್‌ಡ್ ಬರೊಂದುಪ್ಪುನಗ, ಎದುರುಡು ಬರಸ್‌ಡ್ ಬತ್ತಿನ ಬೈಕ್‌ಗ್ ಸೈಡ್ ಕೊರ್ಯೆರ ಪೋದು ಕಾರ್ ಸಾದಿ ಬರಿಟ್ ಉಂತಾದಿತ್ತಿನ ಲಾರಿಗ್ ಎಡ್ತ್‌ದ್ಂಡ್.
ಪುತ್ತೂರು ಸಂಚಾರಿ ಪೊಲೀಸ್ ಸ್ಟೇಶನ್‌ಡ್ ಪ್ರಕರಣ ದಾಕಲಾತ್ಂಡ್.