ಚಕ್ರವರ್ತಿ ಸೂಲಿಬೆಲೆಗ್ ಈ ಸಲ ತಿಕ್ಕುಂಡಾ ಲೋಕಸಭೆತ ಟಿಕೆಟ್?

Last updated on March 11th, 2024 at 12:47 pm

ಉತ್ತರ ಕನ್ನಡ ಲೋಕಸಭಾ ಕ್ಷೇತ್ರೊಡು ಈ ಸಲ ಅನಂತ್ ಕುಮಾರ್ ಹೆಗಡೆ ಪಗತೆಗ್ ಚಕ್ರವರ್ತಿ ಸೂಲಿಬೆಲೆಕ್ ಟಿಕೆಟ್ ತಿಕ್ಕುನ ಬಗೆಟ್ ಚರ್ಚೆಲು ನಡತೊಂದುಲ್ಲ.

ಓಟುದ ಬೆಪ್ಪು ಲಕ್ಕೊರ್ದು ದುಂಬು ಈ ಸಲ ಅನಂತ್ ಕುಮಾರ್ ಹೆಗಡೆಗ್ ಟಿಕೆಟ್ ತಿಕ್ಕಂದ್ ಪನ್ಪಿನ ಗುಸು ಗುಸು ಇತ್ತ್ಂಡ್ ಆಂಡ ಕರಿನ ಕೆಲವು ಸಮಯೊರ್ದು ಒರಾನೆ ಹೆಗಡೆರ್ ಅಲ್ಪಲ್ಪ ಸಭೆ ಸಮಾರಂಬೊಲೆಗ್ ಪೋದು ನನೊರ ಓಟುಗು ಉಂತುನ ಉಮೇದ್ ಪಿದಯಿ ಪಾಡ್ದೆರ್.

ಆಂಡ ಮೇರ್ ಪಕ್ಷ ಸಂಘಟನೆರ್ದ್ ಅಕರ ಉಪ್ಪುನ ಅಂಚೆನೆ ಅಪಗಪಗ ವಿವಾದ ಆಪಿನಲೆಕ್ಕ ಪಾತೆರ್ದ್ ಪಕ್ಷೊಗು ಮುಜುಗರ ಕನಪಿನೆರ್ದ್ ಪೊಸ ಏರೆಗಾಂಡಲಾ ಟಿಕೆಟ್ ಕೊರೊಡು ಪನ್ಪಿನ ಪಾತೆರ ಬಿಜೆಪಿ ಚಾವಡಿಡ್ ನಡತೊಂದುಂಡು ಪನ್ದ್ ತೆರಿದ್ ಬೈದ್ಂಡ್. ನನಲ ಬಿಜೆಪಿಡ್ ಉಲತ್ತುಲಾಯಿ ಪಾತೆರಕತೆ ನಡತೊಂದಿಪ್ಪುನೆರ್ದಾವರ ಒವ್ವೇ ಕ್ಷೇತ್ರೊಗು ಅಭ್ಯರ್ಥಿಲೆನ ಘೋಷಣೆ ಆತಿಜಿ.