ಐತಾರರ್ದ್ ಡಿ.ಡಿ ಚಾನಲ್’ಡ್ ಅಬ್ಬಕ್ಕನ ಧಾರಾವಾಹಿ

Last updated on August 25th, 2022 at 01:19 pm

ಬರ್ಪಿನ ಐತಾರರ್ದ್ ಪಂಡ ಆಗಸ್ಟ್ ಇರ್ವತ್ತೆಡ್ಮರ್ದ್ ಉಲ್ಲಾಳದ ರಾಣಿ ಅಬ್ಬಕ್ಕ ಚೌಟನ ಬಗೆಟ್ ಧಾರವಾಹಿ ಡಿ.ಡಿ ಚಾನೆಲ್’ಡ್ ನಡಿರ್ದ ಪೊರ್ತು ಒರ್ಂಬ ಗಂಟೆಗ್ ಬರ್ರೆಗುಂಡು, ರಾಣಿ ಅಬ್ಬಕ್ಕ ಪೊರ್ಚುಗೀಸ್ ನಕ್ಲೆಗ್ ಎದುರಾದ್ ಪೊರ್ಂಬುದು ದಂಡ್’ದ ಕಲಟ್ಟ್ ಕಾಯ ಬುಡಿನ ಬಿರ್ಸೆದಿ. ನಮ್ಮ ದೇಸೊಡು ತನ್ನಾಲ್ಮೆಗಾದ್ ಕಾಯ ಬುಡಿನ ಸುರುತ್ತ ಪೊಣ್ಣು ಮಗಲ್ ಅಬ್ಬಕ್ಕ

ಸ್ವರಾಜ್ಯ ಪನ್ಪಿನ ಪುದರ್ಡ್ ಬರ್ಪಿನ ಈ ಧಾರಾವಾಹಿ ತನ್ನಾಲ್ಮೆಗ್ ಎಲ್ಪತೈನ್ ಓಡು ದಿಂಜಿನ ಪೊರ್ತುಡು ಮಲ್ತೊಂದುಲ್ಲೆರ್ ಅಬ್ಬಕ್ಕನ ಕತೆತೊಟ್ಟುಗು ಭಕ್ಷಿ ಜಗಬಂಧು, ತಿರೋಟ್ ಸಿಂಗ್, ಸಿಧು ಮುರ್ಮು, ಶಿವಪ್ಪ ನಾಯಕ, ರಾಣಿ ಲಕ್ಷ್ಮೀಬಾಯಿ, ಮಹಾರಾಜ ಶಿವಾಜಿ, ತಾತ್ಯ ಟೋಪೆ ಬೊಕ್ಕ ಕೆಲವು ಬೀರೆರೆನ ಪುಟ್ಟು ಪುರಾಪುನು ಈ ಧಾರಾವಾಹಿಡ್ ತೆರಿಪಾವರೆಗ್ ಉಲ್ಲೆರ್.