ಮೂಲ್ಕಿ ಸುಂದರ್ ರಾಮ್ ಶೆಟ್ಟಿ ಕಾಲೇಜ್‌ಡ್ ಸಂಗೀತ ಕಜ್ಜ

Last updated on April 2nd, 2024 at 08:20 am

ಮೂಲ್ಕಿ ಸುಂದರ್ ರಾಮ್ ಶೆಟ್ಟಿ ಕಾಲೇಜ್ ಶಿರ್ವ ಮುಲ್ಪ 1-04-2024ದ ದಿನೊತಾನಿ ಸರೋದ್ ವಾದನ ಸಂಗೀತ ಕಜ್ಜೊನ್ ಆಯೋಜನೆ ಮಂತಿತ್ಂಡ್. ಈ ಸಂಗೀತ ಕಜ್ಜೊಗ್ ಬತ್ತಿತ್ನ ಸರೋದ್ ವಾದಕೆರಾಯಿನ ಶ್ರೀ ಸಚ್ಚಿನ್ ಹಂಪೇಮನೆ, ಮೈಸೂರ್ ಬೊಕ್ಕ ತಬಲಾ ವಾದಕೆರಾಯಿನ ಆಶಯ್ ಕಲಾವಂತಕಾರ್ ಬಾಯಾರ್ ಮೊಕುಲು ಸರೋದ್ ವಾದ್ಯೊದ ಪರಿತಿರಿದ ಬಗ್ಗೆ ತೆರಿಪಾಯೆರ್ ಅಂಚನೆ ಬಾರೀ ಪೊರ್ಲಕಂಟೊಡು ಸಂಗೀತ ಕಜ್ಜೊನ್ ನಡಪಾದ್ ಕೊರಿಯೆರ್. ಬತ್ತಿತ್ತಿನಂಚಿತ್ನ ಸಂಗೀತ ವಾದಕೆರೆಗ್ ಕಾಲೇಜ್ ದ ಪ್ರಿನ್ಸಿಪಾಲ್ ಡಾ. ಮಿಥುನ್ ಚಕ್ರವರ್ತಿ ಮೇರ್ ಕಾಲೇಜಿದ ಪರವಾದ್ ಅಂಬಲೆಜ್ಯ ಕೊರ್ದ್ ಮಾನಾದಿಗೆ ಮಂತೆರ್. ಈ ಕಜ್ಜೊದ ನಿರೂಪಣೆನ್ ಸುರುತ ವರ್ಷದ ಬಿ.ಎ ಕಲ್ಪಾರ್ಥಿ ಶ್ರಾವ್ಯ ಮೇರ್ ನಡಪಾದ್ ಕೊರಿಯೆರ್. ಈ ಕಜ್ಜೊಗ್ ಬೈದಿತ್ನಂಚಿನ ಮಾತೆರೆಗ್ಲ ಸುರುತ ಬಿಸಿಎ ಕಲ್ಪಾರ್ಥಿ ಶ್ರೇಯಸ್ ಮೇರ್ ಸೊಲ್ಮೆ ಸಂದೈತ ಮಂತೆರ್.