Last updated on May 12th, 2024 at 11:16 am
ದಿನಾ ಚಾ-ಕಾಪಿಯೇ ಪರೊಂದುಲ್ಲರ? ಈ ಸರ್ತಿ ಒಂಜಿ ಪದಮೆದ (healthy) ಬೇತೆನೆ ಅಸರ್ ಆಂಡ ಎಂಚ? ದಿಂಜ ದಾಲ ಬೊಡ್ಚಿ ಬಜಿ ಕೊತ್ತಂಬರಿ ಇತ್ತ್ಂಡ ಯಾವು. ಈ ಅಟಿಲ್ದ ಸಾಮನ್ ಕಾಲಿ ಕಜಿಪುದ ಸಬಿ-ಕಮ್ಮೆನಗ್ ಮಾತ್ರ ಆಪಿನಿ ಎನ್ನಿಯೆರ? ನೆಟ್ಟ್ ಒಂಜಿ ಅಸರ್‌ಲ ಮನ್‌ತ್ ಪರೊಲಿ!
ಆಂಡ ಎಂಚ ಮನ್ಪುನಿ ಪಂದ್ ಪಿಂದೊನ್ನ ದುಂಬು ಇಂದೆತ ಪಯಕುಲು (benifits) ದಾದ ಮಾತಂದ್ ತೆರಿಯೊನ್‌ಗ :
• ಮೈಯುರಿಪು ಮಾಜನೆಗ್ (To reduce body heat):
ಕೊತ್ತಂಬರಿದ ತಂಪುತನ್‌ಮೆ (cooling property) ಅರೆಗಾಲಗ್ ಎಡ್ಡೆ. ಉರಿಪಡಿಕೆ, ಸಿಕೆಬೊಕ್ಕೆ ಇಂಚಿನ ಗಾವುದ ಪಲ ಅಡ್ಡಬುಳೆವುನು ತಗ್ಗಾವರೆ ಒಂಜಿ ಪುಲಮರ್ದ್‌ಲೆಕ ನೆರವಾಪುಂಡು.
• ತಿಂದಿನ ಕರವೊಂದಿಜ್ಜಾ? ಕೊತ್ತಂಬರಿನೀರ್ ಪರ್ಲೆ!
ಕೊತ್ತಂಬರಿ ಬಂಜಿದ ಅರ್ಕಮೆ (Digestion) ಪೆರ್ಚಾಯೆರೆಗ್ ಒಂಜಿ ಮರ್ದ್ ಪನ್‌ಪೆರ್. ಉರಿಯಾರಿಗೆ, ಬಂಜಿಸೂ ಬರ್ಪಿನಿ, ಉರ್ಬುನಿ ಇಂಚಿನ ಬಂಜಿದ ತೊಂದೆರೆಗ್‌ಲ ಎಡ್ಡೆ ಪಿರಿಕಟ್ಟ್‌ನ್ದ್ (solution) ಪನೊಲಿ.
• ಪಸಂದ್ರದನೆ ಬೇನೆಕಲೆಪಿ (natural pain reliever):
ಕೊತ್ತಂಬರಿಡ್ ಇಪ್ಪುನ ಮರ್ದ್ ಸತ್ವಲು ಬೇನೆಕಲೆಪಿಲೆಕ ಬೇಲೆ ಮನ್‌ಪುವ. ಏತೊ ಜನ ತರೆಬೇನೆಗ್, ಬಂಜಿಬೇನೆಗ್ ಗಂಟ್ ಬೇನೆಗ್ ಮಾತ ಕೊತ್ತಂಬರಿ ನೀರ್ ಪರ್ಪೆರ್ ಅನ್ಪಿನ ಕೇನ್‌ದಿಪ್ಪರ್.
• ಉನ್ಪುಸತ್ವದ ತುಪ್ಪೆ (rich nutrient):
ಕೊತ್ತಂಬರಿಡು ನಮಕ್ಕ್ ಬೋಡಾಪಿನ ಎಡ್ಡೆಸತ್ವಲು (vitamins) A, C, ಬೊಕ್ಕ K ಲು ಉಲ್ಲ. ನಮ್ಮ ತಿನ್ನೆಲ್ಡ್ (diets) ಕೊತ್ತಂಬರಿನ್ ಸೇರ್ಪಾಂಡ ಪದಮೆಗ್ ಮಸ್ತ್ ಎಡ್ಡೆ.
ಎಂಚ ಪರ್ಕನ?
ನನ ಈ ಅಸರ್ನ್ ಎಂಚ ಮನ್ಪುನೆಂದ್ ರಪ್ಪ ತೂಕ:
ದುಂಬು 1L ನೀರ್‌ನ್ ಎಡ್ಡೇನ ಕೊದಿಪಾಲೆ, ಕೊದಿನಗ 2 ಚಮಚ ಕೊತ್ತಂಬರಿ ಪಾಡ್ದ್ ಎಲ್ಯ-ತೂಟ್ 5 ನಿಮಿಶ ಕಾಯ್ಪಾದ್ ಜಾಲೆ. ಒಂತೆ ತಯಿರಿದ್ ಬೋಡಿತ್ತ್ಂಡ ಲಿಂಬೆಪುಳಿ ಪುಂಟುದು ಸಬಿಕ್ಕು ತಕ್ಕ ಚೀಯನು (honey) ಸೇರ್ಪಾದ್ ಬೆಚ್ಚನೆ, ಇಜ್ಜಿಂಡ ಅರಪ್ಪಾದ್ ಪರ್ಲೆ !
🖊️ SK