Last updated on May 28th, 2024 at 09:56 am
ಇಂಚಪ್ಪೊಗು ಪೆನ್ ಡ್ರೈವ್ ಕೇಸ್ ಡ್ ಬಾರೀ ಸುದ್ದಿ ಆತಿನ ಪ್ರಜ್ವಲ್ ರೇವಣ್ಣೆ, ಈ ಪ್ರಕರಣ ಪಿದಯಿ ಬತ್ತಿನೇ ಪಿದಯೂರುಗು ಪೋದು ದೆಂಗ್‌ದಿತ್ತೆರ್. ಮೇ 31ಕ್ಕ್ ಪಿದಯೂರುರ್ದು ಬರ್ಪೆ ಪನ್ದ್ ಅಜ್ಞಾತ ಜಾಗೊರ್ದು ವೀಡಿಯೋ ಮಲ್ತ್ ಪ್ರಜ್ವಲ್ ರೇವಣ್ಣೆ ಸಾಮಾಜಿಕ ಬಲೆತ್ತಾನೊಡು ಬುಡ್ತೆರ್. ಮೇರ್ ಊರುಗು ಕಾರ್ ದೀಯಿನ್ ಮೆರೆನ್ ವಸಯೊಗು ದೆತೊನರೆ ಎಸ್ಐಟಿ ಅಟ್ಟನೆ ಮಲ್ತೊಂದುಂಡು.
ದೇವೇಗೌಡೆರೆನ ಪುಲ್ಲಿ ಪ್ರಜ್ವಲ್ ರೇವಣ್ಣೆ ಇಂಚ ಮಲ್ತಿನ ಬಗೆಟ್ ದೇವೇಗೌಡೆರ್ ಪ್ರಜ್ವಲ್ ಗ್ ಬಹಿರಂಗ ಪತ್ರ ಬರೆದ್ ಓಲಿತ್ತ್ಂಡಲಾ ಊರುಗು ಬತ್ತ್ ಜಡ್ತೆಗ್ ಸಹಕಾರ ಕೊರೊಡು ಇಜಿಂಡ ಕುಟುಮೊರ್ದು ಪಿದಯಿ ಪಾಡುವ ಪನ್ದ್ ಎಚ್ಚರ್ಗೆ ಕೊರ್ದಿತ್ತೆರ್. ಪ್ರಜ್ವಲ್ ರೇವಣ್ಣನ ಪೆನ್ ಡ್ರೈ ಪ್ರಕರಣದ ಬಗೆಟ್ ಜಡ್ತೆ ಮಲ್ಪರೆ ರಾಜ್ಯ ಸರಕಾರ ಎಸ್ಐಟಿಗ್ ಅಧಿಕಾರ ಕೊರ್ತುಂಡು.ಈ ಇಡೆಟ್ ರಾಜಕೀಯ ಕೇದ್ ರಟ್ಟಾವುನ ನಡತೊಂದುಂಡು.