Last updated on August 15th, 2023 at 06:41 pm
ಕಾಸ್ರೋಡ್: ತಳಂಗೆರೆ ಪನ್ಪಿನವುಲು ಭೂಮಿದಡಿರ್ದ್ ಸಬ್ದ ಬರೊಂದಿತ್ತ್‌ದ್ ಮುಟ್ಟದ ಜನೊಕುಲು ಪೋಡಿದ್‌ಪೋತೆರ್. ಭೂಗರ್ಭೊರ್ದು ಪೋಡಿಕಟ್ಟಾವುನಂಚಿನ ಸಬ್ದವೊಂಜಿ ಕೇಂದ್‌ಬತ್ತ್‌ದ್, ಗೂವೆಲ್‌ಲೆಡ್ ನೀರ್‌ದ ಮಟ್ಟ ಒರರ್ದ್ ಒರಾನೆ ಎಚ್ಚ ಆತ್ಂಡ್, ತಳಂಗೆರೆ ಬೋಟ್‌ಮೆನ್‌‌ನಕುಲುಲಾ ಪೋಡಿದ್‌ಪೋತೆರ್. ಸನಿಯಾರ ರಾತ್ರೆರ್ದ್ ನೌಫಲ್ ಪನ್ಪಿನಾರೆನ ಜಾಗೆಡ್ ಈ ಸಬ್ದ ಕೇನರೆ ಸುರುಪತ್ತ್‌ದ್ಂಡ್. ಆ ಪೊರ್ತುಡೇ ಮುಟ್ಟದ ಮೂಜಿ ನಾಲ್ ಗೂವೆಲ್‌ಲೆಡ್ ನೀರ್‌ದ ಮಟ್ಟ ಒರರ್ದ್ ಒರಾನೆ ಎಚ್ಚ ಆತ್ಂಡ್.
ಮೋಟಾರ್ ಪಂಪ್ ಆನ್ ಮಲ್ತಿನಂಚ ಕೇನುಂಡು ಪಂದ್ ಈ ಸಬ್ದ ಕೇಂಡಿನಕುಲು ಪನ್ಪೆರ್. ಇಸಯ ಕಾಸ್ರೋಡ್ ಟೌನ್ ಪೊಲೀಸೆರ್ ಜಾಗೆಗ್ ಬತ್ತ್‌ದ್ ತೂತೆರ್.
ಉ್ಂದು ಭೂಮಿದಡಿಟ್ ನೀರ್ ಪರಪುನಗ ಉಂಡಾಪಿನ ಸಬ್ದ ಪಂದ್ ತಜ್ಞೆರ್ ಪನೊಂದುಲ್ಲೆರ್. ಏರ್ಲಾ ಪೋಡ್ಯುನ ಅಗತ್ಯ ಇಜ್ಜಿಂಡಲಾ ರಡ್ಡ್ ಇಲ್ಲದಕುಲೆನ್ ಬೇತೆ ಕಡೆಕ್ ಕಡಪುಡ್ದೆರ್. ಎಚ್ಚಿನ ಪರಿಶೀಲನೆಗ್ ಭೂವಿಜ್ಞಾನ ಇಲಾಖೆದ ಅಧಿಕಾರಿಲು ಬರ್ರೆ ಉಲ್ಲೆರ್ ಪಂದ್ ತೆರಿದ್‌ಬೈದ್ಂಡ್
ಇಂಚೆನೇ ಈ ತಿಂಗೊಲ್ದ 2 ತಾರೀಕ್‌ದಾನಿ ಕೊಟ್ಟಾಯಂ ಕಂಜಿರಪಲ್ಲಿ ಚೆನಪ್ಪಾಡಿಡ್ ಸಬ್ದ ಕೇಂದ್‌ಬತ್ತಿತ್ತ್ಂಡ್.