ಕೋಲಾರೊಗು ನೀರ್ ಕೊರ್ಜರ್ಡ ಕೋಲಾರೊನು ಆಂಧ್ರಪ್ರದೇಶದೊಟ್ಟುಗು ಗೋಡ್ಯಾರೆ ಪೊರುಂಬಾಟ ಮಲ್ಪುವ : ಮಂಜುನಾಥ್

Last updated on August 3rd, 2023 at 08:25 pm

ಕೋಲಾರದ ಬಗೆಟ್ ಪಾತೆರಿನ ಜೆಡಿಎಸ್ ಶಾಸಕೆ ಸಮೃದ್ಧಿ ಮಂಜುನಾಥ್ ಮೇರ್, 18 ವರ್ಸೊರ್ದಿಂಚಿ ಪರಿಯರೆ ನೀರ್ ಕೇನೊಂದುಲ್ಲ ಎಂಕುಲು. ಇಲ್ಲ್ ಬಂಗಾರ್ ಆಸ್ತಿ ಕೇಂದಿನಿ ಅತ್ತ್. ದಾದ ಪಾಪ ಮಲ್ತ್ ಕೋಲಾರ ಜಿಲ್ಲೆಡ್ ಪುಟ್ಟುದನಾ ಗೊತ್ತಿಜ್ಜಿ, ಆನಿ ಸಾರ ಜನಕುಲೆನ್ ಲೊತೊಂದು ಪೋದು ಎತ್ತಿನಹೊಳೆ ಸುರು ಮಲ್ತರ್. ಇನಿ ಎತ್ತಿನಹೊಳೆಕ್ ಕಾಸ್ ಬರೊಂದೇ ಉಂಡು ಆಂಡ, ನೀರ್ ಬರೊಂದಿಜ್ಜಿ.

ಅವೆರ್ದ್ ಬೊಕ್ಕ ಕೆ.ಸಿ ವ್ಯಾಲಿದ ಬಗೆಟ್ ಎಚ್.ಎನ್ ವ್ಯಾಲಿ ಮಲ್ತರ್. ಇನಿ ಎಂಕ್ಲೆನ ಪರಿಸ್ಥಿತಿ ವಾ ರೀತಿ ಬೈದ್ಂಡ್ ಪನ್ಡ ಈ ರಾಜ್ಯದ ಪರತಿರಿಟ್ ಕೋಲಾರ ದುರಂತ ಆಪಿನಲೆಕ್ಕ ಉಂಡು. ಎಂಕ್ಲು ಬೆನ್ಪಿನ ಬೆನ್ನಿ ಕಮ್ಮಿ ಆವೊಂದುಂಡು. ಎಂಕ್ಲು ಕೇನುನು ಒಂಜೇ, ಎಂಕ್ಲೆಗ್ ಪರಿಯರೆ ನೀರ್ ಕೊರ್ಲೆ, ಬದ್ಕರೆ ಸಾದಿ ಮಲ್ಪುಲೆ ಪನ್ದ್. ಒವ್ ಸರಕಾರ ಬತ್ತ್ಂಡಲಾ ಕೋಲಾರ ಚಿಕ್ಕಬಳ್ಳಾಪುರ ರಡ್ಡ್ ಜಿಲ್ಲೆನ್ ತಾತ್ಸಾರೊಡು ತೂವೊಂದಲ್ಲರ್. ನನ ದುಂಬಗ್ ಇಡೀ ಜಿಲ್ಲೆ ಎಂಕುಲು ಒಗ್ಗಟ್ಟ್ ಆಪ, ಈ ಸರಕಾರ ಈ ರಾಜ್ಯ ಬುಡ್ದ್ ಎಂಕುಲು ಆಂಧ್ರಗ್ ಪೋವೊಡು ಪನ್ದ್ ತೀರ್ಮಾನ ಮಲ್ದ ಪನ್ದ್ ಸದನೊಡು ಪಂಡೆರ್. ಉಂದೆಕ್ ರಾಜ್ಯ ಪುಡಪುನ ಪಾತೆರ ಪನೊಡ್ಚಿ ಪನ್ದ್ ಸದನೊಡು ಆಕ್ಷೇಪ ಬತ್ತ್ಂಡ್.