Last updated on August 3rd, 2023 at 08:25 pm
ಭಾರತದ ಪೆರ್ಮೆ ಪನ್ಪಿಲೆಕ್ಕ ಇನಿ ಮಧ್ಯಾಹ್ನ ಯಶಸ್ವಿಯಾದ್ ಚಂದ್ರಯಾನ-3ತ್ತ ಉಡಾವಣೆ ಆಂಡ್. ಉಂದು ಯಶಸ್ವಿ ಆಯಿನೇ ಅಲ್ಪ ಕೂಡಿ ವಿಜ್ಞಾನಿಲೆನ ಅಂಚೆನೆ ಜನಕುಲೆನ ಸಂತೋಸೊಗು ಕೊಡಿ ಮುನೆ ದಾಂತಿಲೆಕ್ಕ ಗೌಜಿ ಗಮ್ಮತ್ತ್ ನಡತ್ಂಡ್.
ಆಂಧ್ರಪ್ರದೇಶದ ಶ್ರೀಹರಿಕೋಟಾರ್ದ್ ಚಂದ್ರಯಾನದ ಯಶಸ್ವೀ ಉಡಾವಣೆ ಆಂಡ್. 615 ಕೋಟಿ ಕರ್ಚಿಡ್ ಭಾರತ ಈ ಮಿಷನ್ ಮಲ್ದಿತ್ತ್ಂಡ್, ಉಂದೆಟ್ 365 ಕೋಟಿ ಕಾಲಿ ಉಡಾವಣೆಗೇ ಆತ್ಂಡ್.
ಉಡಾವಣೆ ಆಯಿನೇ 16 ನಿಮಿಷೊಗು ಪ್ರೊಪಲ್ಶನ್ ಯುನಿಟ್ ರಾಕೆಟ್ ಬುಡ್ದ್ ಚಂದ್ರನ ಕಕ್ಷೆದಂಚಿ ಪಿದಡ್ಂಡ್. ಸುರುತ ಸಲ ಸೈಕಲ್ ಡ್ ಬೋರಿಗಾಡಿಡ್ ರಾಕೆಟ್ ಕನದಿನ ನಮ್ಮ ದೇಶ ಇನಿ ಚಂದ್ರನಡೆಮುಟ್ಟ ಪಜ್ಜೆ ದೀತ್ಂಡ ಪನ್ಡ ನಮ ಮಸ್ತ್ ತಾದಿ ನಡದ ಪನ್ದ್ ಪ್ರತಿಯೊರಿಲಾ ಪೆರ್ಮೆ ದಿಂಜೊನೊಡು.