Last updated on September 17th, 2023 at 07:44 am
ಒರಾನೆ ನಿಫಾ ವೈರಸ್‌ದ ಕೇಸುಲು ಡಿಟೆಕ್ಟ್ ಆಯಿನೇ ಕೇರಳದ ಕೊಯಿಕೋಡ್ ಜಿಲ್ಲೆಡ್ ಶಾಲೆ, ಕಾಲೇಜಿಲು ಬಂದ್ ಆತ. ರಡ್ಡ್ ಜನ ತೀರಿಯೆರ್ ಅಂಚೆನೆ ಸುಮಾರ್ ಜನಕ್ ಈ ವೈರಸ್ ಪಗರ್‌ದ್ಂಡ್.
ನಿಫಾ ವೈರಸ್ ಸುರುಕು ಏರೆಗ್ ಬತ್ತಿನಿ ಪನ್ದ್ ತೆರಿದ್ಂಡ್. ಅಂಚೆನೊ ಕೆಲವು ಜಾಗೆಲೆನ್ ಕಂಟಾಮಿನೇಷನ್ ಝೋನ್ ಮಲ್ತ್ ಲಾಕ್‌ಡೌನ್ ಮಲ್ದೆರ್. ವೈರಸ್ ಜೀವೊಗು ಸೇರಿನ ಸುರುತ 5-15 ದಿನ ಒವ್ವೇ ಲಚ್ಚನೊಲು ಉಪ್ಪುಜ ಅಂಚೆನೆ ಸೀಕ್ ಉಂಡು ಪನ್ದೇ ಗೊತ್ತಾಪುಜಿ. ಆಂಡ ಬೇಗನೇ ಮರ್ದ್ ಮಲ್ತಿಜಿಡ ಈ ವೈರಸ್ ಜೀವೊನೇ ದೆಪ್ಪುಂಡು. ಕೇರಳೊಡು ಒರಾನೆ ಈ ವೈರಸ್ ಪಗರಿನ ಅಂಕೆ ಜಾಸ್ತಿ ಆತ್ಂಡ್. ನನಲ ಜಾಸ್ತಿ ಆವು. ಈ ವೈರಸ್ ಫಲವಸ್ತು ತಿನ್ಪಿನ ಬಾವೊಲಿರ್ದ್ ಪಗರುಂಡು. ಪಾಸಿಟಿವ್ ಇತ್ತಿನ ಜನಕ್ಲೆರ್ದ್‌ಲಾ ಕುಡೊರಿಯಗ್ ಬರ್ಪಿನ ಸಾಧ್ಯತೆ ಉಂಡು. ಕೇರಳಡ್ 2018ರ್ದು ನಾಲ್ ಸಲ ನಿಫಾ ವೈರಸ್ ಉಲ್ಬಣ ಆತ್ಂಡ್. ಈ ವೈರಸ್ ಕೇರಳೊಡ್ ಎಪಿಡಮಿಕ್ ಸ್ಟೇಜ್‌ಡ್ ಬರೊಂದುಂಡು. ಕೇರಳ ಬುರ್ದ್ ಬೇತೆ ಕಡೆಕ್ ಪಗರುನ ಸಾಧ್ಯತೆ ಕಮ್ಮಿ ಉಂಡು.