Last updated on September 10th, 2023 at 07:02 pm
ಶಿಬಾಜೆದ ಪತ್ತಿಮಾರ್‌ದ ರಾಘವೇಂದ್ರ ಪನ್ಪಿನರೆನ ತೋಟೊಗು ರಾತ್ರೆ ಕಾಡಾನೆ ಬತ್ತ್ ನನ ದಾನೆ ಫಲ ಕೊರೊಡು ಪನ್ದ್ ಇತ್ತಿನ ಪತ್ತ್ ತಾರೆ ನಲ್ಪ ಕಂಗ್ ಬೊಕ್ಕ ಬಾರೆದ ದೈಕುಲೆನ್ ಚುಪ್ಪುರ್‌ಚೂರ್ ಮಲ್ತ್ ಪಾಡ್ದ್ಂಡ್.
ರಡ್ಡ್ ವರ್ಸೊರ್ದಿಂಚಿ ಮುಲ್ಪ ಅಪಗಪಗ ಬೇತೆ ಬೇತೆ ಜಾಗೆಲೆಗ್ ಇಂಚ ಕಾಡಾನೆಲು ಪೊಗ್ಗುದು ಉಪದ್ರ ಕೊರೊಂದುಲ್ಲ, ಇಂಚೆನೆ ದುಂಬರಿಂಡ ನನ ಬೆನ್ನಿ ಎಂಚ ಮಲ್ಪುನು ಪನ್ದ್ ಪೋಡಿಗೆಡ್ ಉಲ್ಲೆರ್. ಅವ್ ಅತ್ತಂದೆ ನನ ಜೋಕುಲೆನ್ ಶಾಲೆಗ್ ಪೂರಾ ಎಎಚ ಕಡಪುನು ಪನ್ದ್ ಮಂಡೆಬೆಚ್ಚ ಮಲ್ತೊಂದುಲ್ಲೆರ್.
ಈ ಬಗೆಟ್ ಅರಣ್ಯ ಇಲಾಖೆದಕಲೆಗ್ ತೆರಿಪಾಂಡಲಾ ದಾಲಾ ಪೆರಜನ ಆತಿಜಿ. ಜನಪ್ರತಿನಿಧಿಲು ಬತ್ತ್ ಸರಕಾರದ ಎದುರು ಈ ಇಸಯ ತೆರಿಪಾದ್ ಉಂದೆಕ್ ಬೋಡಾಪಿನ ಮರ್ದ್ ಮಲ್ಪೊಡು ಪನ್ದ್ ಊರ್ದಕಲೆನ ಪಾತೆರ.