Last updated on October 7th, 2023 at 07:26 am
ಬೇತೆ ಒರಿಯನ ಒಟ್ಟುಗು ಅಕ್ರಮ ಸಂಬಂದ ದೀವೊಂದಿನ ಮದ್ಮೆ ಆತಿನ ಪೊಂಜೊವು ಕಂಡನರ್ದ್ ಜೀವನಾಂಶ ನಿರೀಕ್ಷೆ ಮಲ್ಪರೆ ಇಜ್ಜಿ ಪನ್ದ್ ಕರ್ನಾಟಕ ಹೈಕೋರ್ಟ್ ಪನ್ತ್ಂಡ್.
ಚಿಕ್ಕಮಗಳೂರುದ ಸೆಷನ್ಸ್ ನ್ಯಾಯಂತಡೆತ ಆದೇಶೊನು ಕೇಳ್ವೆ ಮಲ್ತ್ ಪೊಂಜೊವು ಒರ್ತಿ ಪಾಡ್ದಿನ ಪುನರ್ ಪರಿಶೀಲನೆ ಅರ್ಜಿನ್ ವಿಚಾರಣೆ ಮಲ್ತಿನ ನ್ಯಾಯಮೂರ್ತಿ ರಾಜೇಂದ್ರ ಬಾದಾಮಿಕರ್ ನ್ಯಾಯಪೀಠ ಈ ಅಭಿಪ್ರಾಯ ಪನ್ದ್ ಅರ್ಜಿ ವಜಾ ಮಲ್ತ್ಂಡ್.
ಪೊಂಜೊವು ಪ್ರಾಮಾಣಿಕವಾದ್ ಉಪ್ಪಂದೆ ಅಕ್ರಮ ಸಂಬಂದ ದೀವೊಂದು ಕುಡ ಕಂಡನೆ ಜೀವನಾಂಶ ಕೊರೊಡು ಪನ್ಪಿನ ವಾದ ಒತ್ತೊನುನ ಅತ್ತ್. ಅಂಚಾದ್ ಬೊಡೆದಿ ಕಂಡನರ್ದ್ ಆ ನಿರೀಕ್ಷೆನ್ ದೀವೊನರೆ ಬಲ್ಲಿ ಪನ್ದ್ ಪನ್ತ್ಂಡ್.