Last updated on October 7th, 2023 at 08:37 am
ಚೀನಾಡ್ ನಡತೊಂದುಪ್ಪುನ ಏಷ್ಯನ್ ಗೇಮ್ಸ್ 2023 ತ ಪೊಂಜೊವುನಕ್ಲೆನ ಕಬಡ್ಡಿ ಗೊಬ್ಬುದ ಫೈನಲ್‌ಡ್ ಚೀನಾದ ತೈಪೇ ಕೂಟೊನು 26-25 ಪಾಯಿಂಟ್ಸ್‌ಡ್ ಸೋಪಾದ್ ಬಂಗಾರ್ ಗೆಂದುನ ಮುಕೇನ ಭಾರತ ಈ ಏಷ್ಯನ್ ಗೇಮ್ಸ್‌ದ ತನ್ನ ದಾಖಲೆದ 100ನೇ ಪದಕೊನು ಗೆಂದ್ಂಡ್.
ಈ ಏಷ್ಯನ್ ಗೇಮ್ಸ್‌ಡ್ ಭಾರತ 25 ಬಂಗಾರ್, 35 ಬೊಲ್ಲಿ ಅಂಚೆನೇ 40 ಕಂಚಿದ ಪದಕೊಲೆನ್ ಗೆಂದ್‌ದ್ಂಡ್.
ಏಷ್ಯನ್ ಗೇಮ್ಸ್‌ದ 72 ವರ್ಸೊದ ಪರತಿರಿಟ್ ಈತ್‌ನೇಟ ಭಾರತ ಒರಲ ಒಟ್ಟು 100 ಪದಕೊಲೆನ್ ಗೆಂದ್‌ದಿತ್ತಿಜಿ. 2018ಡ್ ಜಕಾರ್ತಾಡ್ ನಡತಿನ ಏಷ್ಯನ್ ಗೇಮ್ಸ್‌ಡ್ 70 ಪದಕ ಗೆಂದಿನ ಭಾರತೊದ ದಾಖಲೆ ಆದಿತ್ತ್ಂಡ್. ಈ ಸರ್ತಿ ಒಟ್ಟು 100 ಪದಕೊಲೆನ್ ಗೆಂದ್‌ದ್, ನನಲೊಂತೆ ಪದಕೊಲೆನ್ ಗೆಂದುನ ಉಮೆದ್‌ಡುಪ್ಪುನ ಭಾರತ ಇಸೇಸ ದಾಖಲೆ ಮಲ್ದ್ಂಡ್.