Last updated on January 11th, 2024 at 03:31 pm
ಪುತ್ತೂರು: ಕಾಂಡೆ ಕಾಲೇಜ್ ಪೋವೊಂದಿತ್ತಿನ ಜವನೆರ್ ರಷ್ ಇತ್ತಿನೆರ್ದಾವರ ಬಸ್‌ದ ಮೊಟ್ಟುಡು ಉಂತುದಿತ್ತ್‌ದ್, ಸಾದಿ ಬರಿಟಿತ್ತಿನ ಮುನಿಸಿಪಾಲಿಟಿ ಗಾಡಿಗ್ ಆಕ್‌ದ್ ರೋಡ್‌ಗ್ ಬೂರ್ದ್ ಮೆಯಿ ಕೈ ಪೊಡಿ ಮಲ್ತೊಂದಿನ ನಡಕೆ ಬೊಳ್ವಾರ್‌ಡ್ ನಡತ್‌ದ್ಂಡ್.
ಪುತ್ತೂರು ವಿವೇಕಾನಂದ ಕಾಲೇಜಿಗ್ ಪೋಪುನ ಜವನೆರಿರ್ವೆರ್ ಬಸ್‌ಡ್ ರಷ್ ಇತ್ತಿನೆರ್ದಾವರ ಬಸ್‌ದ ಸ್ಟೆಪ್‌ಡ್ ಉಂತುದಿತ್ತೆರ್. ಬೊಳ್ವಾರ್‌ಡ್ ಮುನಿಸಿಪಾಲಿಟಿದ ಗಾಡಿಗ್ ಸ್ಟೆಪ್‌ಡ್ ನೇಲೊಂದಿತ್ತಿನಕುಲು ಇರ್ವೆರ್ ಆಕ್‌ದ್ ರೋಡ್‌ಗ್ ಬೂರ್ದೆರ್. ಬೂರ್ದಿನ ಬರಸ್‌ಡ್ ಇರ್ವೆರೆಗ್ಲಾ ಪದಾನ ಪೆಟ್ಟಾತ್ಂಡ್.
ಒರ್ಯನ್ ಪುತ್ತೂರ್‌ದ ಪ್ರೈವೇಟ್ ಆಸ್ಪತ್ರೆಗ್ ಸೇರಾದಿತ್ತ್‌ದ್, ಇತ್ತೆ ಐಸಿಯು ಡು ಉಲ್ಲೆ. ಕುಡೊರಿ ಜವನನ ಲಿವರ್‌ಗ್ ಪೆಟ್ಟ್ ಬೂರ್ದಿನೆರ್ದಾವರ ಕುಡ್ಲದ ಆಸ್ಪತ್ರೆಗ್ ಲೆತೊಂದು ಪೋತೆರ್.
ಕಾಂಡೆದ ಪೊರ್ತುಡು ಪುತ್ತೂರುದ ಮಾತಾ ಬಸ್‌ಲೆಡ್ ಜೋಕುಲೆನ ರಷ್ ಇಪ್ಪುಂಡು. ಪ್ರತಿ ಬಸ್‌ಡ್ಲಾ ಜೋಕುಲು ನೇಲೊಂದು ಪೋಪುನ ತೋಜುಂಡು. ಸರಕಾರ ಈ ದಿಟ್ಟಿಡ್ ಕ್ರಮ ಗೆತೊಂದು, ಆ ಪೊರ್ತುಗಾಂಡಲಾ ಒಂತೆ ಎಚ್ಚಿನ ಬಸ್‌ಲೆನ್ ಪಾಡೊಡು. ದೇಶೊದ ಭವಿಷ್ಯೊಲಾಯಿನ ವಿದ್ಯಾರ್ಥಿಲೆನ ಜೂವೊನು ಕತ್ತಿದ ಬಾಯಿರ್ದ್ ತಪ್ಪಾವೊಡು.