Last updated on January 11th, 2024 at 08:34 pm
ಭಾರತದ ಮಾಮಲ್ಲ ಉದ್ದದ ಸಮುದ್ರ ಸಂಕ( ಮುಂಬೈ ಟ್ರಾನ್ಸ್ ಹಾರ್ಬರ್ ಲಿಂಕ್) ಉಂದೆನ್ ಪ್ರಧಾನಿ ನರೇಂದ್ರ ಮೋದಿ ಜನವರಿ 12, ಶುಕ್ರಾರ ಉದಿಪನ ಮಲ್ಪರೆ ಉಲ್ಲೆರ್. ತೆನ್ಕಾಯಿ ಮುಂಬೈರ್ದ್ ಪೊಸಮುಂಬೈಮುಟ್ಟ ಸಮುದ್ರೊಡು ಈ ಸಂಕ ಮಲ್ದೆರ್. ಉಂದೆತ ಉದ್ದ 21.8 ಕಿಲೋ ಮೀಟರ್ ಆದುಂಡು. ರಡ್ಡ್ ಗಂಟೆಡ್ ಪೋಪಿನ ಪೊರ್ತುಡು ನನ ಕಾಲಿ 15-20 ನಿಮಿಷೊಡು ಈ ಸಂಕೊಡು ಪೋವೊಲಿ.
ಈ ಸಂಕೊಗು ಅಟಲ್ ಬಿಹಾರಿ ವಾಜಪೇಯಿ ಸೇವಾರಿ- ನವ ಸೇವಾ ಅಟಲ್ ಸೇತು ಪನ್ದ್ ಪುದರ್ ದೀತೆರ್. ಉಂದೆನ್ ಕಟ್ಟರೆ 21,000 ಕೋಟಿ ಕರ್ಚಿ ಆತ್ಂಡ್. ಈ ಅಟಲ್ ಸೇತುಡು ನಾಲ್ ಚಕೇರದ ಗಾಡಿಲೆನ ಬೀಸದ ಮಿತಿ 100 ಕಿಮೀ/ಗಂಟೆ ಅಂಚೆನೆ ಬೈಕ್, ರಿಕ್ಷಾ ಬೊಕ್ಕ ಟ್ರಾಕ್ಟರ್ ಈ ಸಂಕೊಡು ಪೋರೆ ಇಜ್ಜಿ ಪನ್ದ್ ಮುಂಬೈ ಪೋಲೀಸೆರ್ ಪನ್ತೆರ್.