ಅರಂತೋಡುದ ಒಂಜೇ ಇಲ್ಲದ ನಾಲ್ ಸಾಂಕನೆದ ಮುರ್ಗೊಲೆನ್ ಕೆರ್ದ್ ಪಾಡಿನ ಚಿಟ್ಟೆಪಿಲಿ

Last updated on January 9th, 2024 at 08:31 am

ಸುಳ್ಯ : ತೋಟೊಗು ಮೇಯರೆ ಪೋದಿತ್ತಿನ ಪೆತ್ತದ ಕಂಜಿದ ಒಟ್ಟುಗು ಒಂಜೇ ಇಲ್ಲದ ನಾಲ್ ಸಾಂಕನೆದ ಮುರ್ಗೊಲೆನ್ ಚಿಟ್ಟೆಪಿಲಿ ಕೆರ್ದ್ ಪಾಡಿನ ನಡಕೆ ಸುಳ್ಯ ತಾಲೂಕುದ ಅರಂತೋಡು ಗ್ರಾಮೊಡು ನಡದ್ಂಡ್. ಮುಲ್ಪ ಸುಮಾರ್ ದಿನೊರ್ದು ಚಿಟ್ಟೆಪಿಲಿತ ಉಪದ್ರ ಉಂಡು, ಅಂಚಾದ್ ಗ್ರಾಮದಕುಲು ಪೋಡಿದ್ ಬದುಕುಲೆಕ್ಕ ಆತ್ಂಡ್.

ಅಡ್ಕಬಲೆತ ಲೀಲಾವತಿ ಪನ್ಪಿನರೆನ ಕಂಜಿ ಬಯ್ಯ ಆಂಡಲ ಪಿರ ಬರಂದಿನ ತೂದು ತೋಟೊಗು ಪೋದು ತೂನಗ ಕಂಜಿನ್ ಅರ್ದ ತಿಂದ್ ಪಾಡ್ದ್ ಕೆರ್ತಿನ ತೋಜಿದ್ ಬೈದ್ಂಡ್. ರಡ್ಡ್ ದಿನತ ದುಂಬು ಉಂದೇ ಇಲ್ಲದ ಕಿದೆಟಿತ್ತಿನ ಮೂಜಿ ಏಡ್ ಲೆನ್ ಚಿಟ್ಟೆಪಿಲಿ ಕೆರ್ದ್ ಪಾಡ್ದ್ಂಡ್. ಜನಕುಲು ಪೂರಾ ಪೋಡಿದೆರ್, ಜಾಗೆಗ್ ಅರಣ್ಯ ಅಧಿಕಾರಿಲು ಬೈದೆರ್ ಪನ್ದ್ ತೆರಿದ್ ಬೈದ್ಂಡ್.