Last updated on February 23rd, 2024 at 08:03 pm
ಕಾರ್ಲ ಕೈತಲ್‌ದ ದೂಪದಕಟ್ಟೆದ ಪರ್ಪಲೆ ಗುಡ್ಡೆದ ತೆಲಾವುದಲ್ಪ ಬೈಕ್ ಸ್ಕಿಡ್ ಆದ್ ಬೂರ್ದು ರೈಡ್ ಮಲ್ತೊಂದಿತ್ತಿನ ಇಂಜಿನಿಯರಿಂಗ್ ವಿದ್ಯಾರ್ಥಿ ತೀರಿನ ನಡಕೆ ಫೆಬ್ರವರಿ 22ಕ್ಕ್ ಗುರುವಾರ ನಡದ್ಂಡ್.
ತೀರಿನ ವಿದ್ಯಾರ್ಥಿ ಬ್ರಹ್ಮಾವರದ ಆಕಾಶ್ ಕಾಂಚನ್(18) ಪನ್ದ್ ತೆರಿದ್ ಬೈದ್ಂಡ್. ಮೇರ್ ನಿಟ್ಟೆದ ಕಾಲೇಜ್‌ಡ್ ಸುರುತ ವರ್ಸದ ಮೆಕಾನಿಕಲ್ ಇಂಜಿನಿಯರಿಂಗ್ ಓದೊಂದಿತ್ತೆರ್. ಕಾಲೇಜ್‌ಡ್ ಫೆಸ್ಟ್ ಇತ್ತಿನೆರ್ದಾವರ ಪಾಸಾಡಿಲೆನೊಟ್ಟುಗು ಬೇತೆ ಬೇತೆ ಬೈಕ್‌ಡ್ ವಿದ್ಯಾರ್ಥಿಲು ಪೋವೊಂದಿಪ್ಪುನಗ ಈ ನಡಕೆ ನಡದ್ಂಡ್.
ಈ ನಡಕೆಡ್ ರೈಡರ್ ಬೊಕ್ಕ ಪಿರವುಡಿತ್ತಿನಾರ್ ರೋಡುಗು ರಟ್ಟ್‌ದ್ ಬೂರಿಯೆರ್. ಆಕಾಶ್ ಮೆರೆಗ್ ಗಾತಿದ ಪೆಟ್ಟಾದ್ ತೀರಿಯೆರ್ ಅಂಚೆನೆ ಒಟ್ಟುಗಿತ್ತಿನಾರ್ ಪೆಟ್ಟಾದ್ ಆಸ್ಪತ್ರೆಡ್ ಮರ್ದ್ ನಡತೊಂದುಂಡು ಪನ್ದ್ ತೆರಿದ್ ಬೈದ್ಂಡ್.