Last updated on February 23rd, 2024 at 05:13 pm
ಸುಳ್ಯ: ರಬ್ಬರ್ ತೋಟೊಗು ಟ್ಯಾಪಿಂಗ್‌ಗ್ ಪೋದಿತ್ತಿನ ಪೊಂಜೊವು ಒರ್ತಿಗ್ ಕಾಡಪಂಜಿ ದಾಳಿ ಮಲ್ತ್‌ದ್ ಗಾತಿದ ಗಡಿ ಮಲ್ದಿನ ನಡಕೆ ನಡತ್‌ದ್ಂಡ್.
ಸುಳ್ಯ ತಾಲೂಕ್‌ದ ದುಗಲಡ್ಕ ಕೂಟೇಲ್ ನಿವಾಸಿ ಪದ್ಮಾವತಿ ಕಾಡಪಂಜಿ ದಾಳಿಗ್ ತಿಕ್ಕ್‌ದ್ ಗಾತಿದ ಪೆಟ್ಟಾತಿನಾರ್.
ಸುಳ್ಯ ತಾಲೂಕ್‌ದ ದುಗಲಡ್ಕ ಕೂಟೇಲ್ ಪನ್ಪಿನವುಲು ಈ ನಡಕೆ ನಡತಿತ್ತ್‌ದ್ ಪದ್ಮಾವತಿ ಮೇರ್ ಕೆ.ಎಫ್.ಡಿ.ಸಿ. ರಬ್ಬರ್ ತೋಟೊದ ಟ್ಯಾಪರ್ ಆದಿತ್ತ‌ದ್ ಗುರುವಾರ ಕಾಂಡೆ ದುಗಲಡ್ಕ ಘಟಕೊದ ಕೂಟೇಲ್ ಪಿಲಿಕಜೆ ಪನ್ಪಿನವುಲು ರಬ್ಬರ್ ಟ್ಯಾಪಿಂಗ್ ಮಲ್ತೊಂದುಪ್ಪುನಗ ಬಲ್ಲೆಡಿತ್ತಿನ ಕಾಡಪಂಜಿ ಒರರ್ದ್ ಒರನೆ ದಾಳಿ ಮಲ್ದ್ಂಡ್. ಪೊಂಜೊವು ಪೋಡಿದ್ ಬಲಿಪುನ ಬರಸ್‌ಡ್ ತಿರ್ತ್ ಬೂರ್ದೆರ್. ಕಾಡಪಂಜಿ ದಾಳಿ ಮಲ್ತ್‌ದ್ ಆರೆನ ಬೆರಿಕ್ ಅಂಚೆನೇ ಬೇತೆ ಕಡೆಕ್ ತುಚ್ಚಿದ್ ಗಾತಿದ ಗಡಿ ಮಲ್ದ್ಂಡ್ ಪಂದ್ ತೆರಿದ್‌ಬೈದ್ಂಡ್.
ವಿಷಯ ತೆರಿನ ಬೇತೆ ಟ್ಯಾಪರ್‌ನಕುಲು ಕೆ.ಎಫ್.ಡಿ.ಸಿ. ಅಧಿಕಾರಿಲೆಗ್ ತೆರಿಪಾಯಿನೇ ಅಕುಲು ಗಾಡಿ ಕನತ್‌ದ್, ನಿಗಮೊದ ಸಿಬ್ಬಂದಿಲು, ಊರುದಕುಲು ಸೇರ್ದ್ ಸುಳ್ಯ ಸರಕಾರಿ ಆಸ್ಪತ್ರೆಗ್ ಲೆತೊಂದು ಪೋತೆರ್ ಪಂದ್ ತೆರಿದ್‌ಬೈದ್ಂಡ್.