Last updated on February 1st, 2024 at 09:08 am
ರಾಂಚಿ: ಆಪಾದಿತ ಭೂ ಹಗರಣೊಗು ಸಂಬಂಧಿತ್‌ದ್ ಮನಿ ಲಾಂಡರಿಂಗ್ ಪ್ರಕರಣೊಡು ಜಾರ್ಖಂಡ್ ಸಿಎಂ ಹೇಮಂತ್ ಸೊರೇನ್ ಮೆರೆನ್ ಇಡಿ ಬುಧವಾರ ರಾತ್ರೆ ಕೈದ್ ಮಲ್ದ್ಂಡ್.
ಇಡಿ ಸಿಎಂ ಸೋರೆನ್ ಮೆರೆನ್ 7 ಗಂಟೆರ್ದ್‌ಲಾ ಎಚ್ಚು ಪೊರ್ತು ಪ್ರಶ್ನೆ ಮಲ್ತಿತ್ತ್‌ದ್, ಅರೆಸ್ಟ್ ಆವೊಂದಿತ್ತಿಲೆಕನೆ ಜಾರ್ಖಂಡ್ ಮುಕ್ತಿ ಮೋರ್ಚಾ ಶಾಸಕೆರ್ ರಾಜಭವನೊಗು ಪೋದಿತ್ತ್‌ದ್, ಸಚಿವೆರಾದಿತ್ತಿನ ಚಂಪಾಯ್ ಸೋರೆನ್ ಮೇರ್ ಸಿಎಂ ಆದ್ ಪ್ರಮಾಣವಚನ ಗೆತೊನ್ರ ಉಲ್ಲೆರ್ ಪದ್ ವರದಿಯಾತ್ಂಡ್.
ಹೇಮಂತ್ ಸೊರೇನ್ ರಾಜೀನಾಮೆ ಕೊರ್ದಿತ್ತ್‌ದ್, 67 ವರ್ಸ ಪ್ರಾಯೊದ ಚಂಪಾಯ್ ಸೋರೆನ್ ಬೇಗಡೇ ಸಿಎಂ ಆದ್ ಪ್ರಮಾಣ ವನ ಗೆತೊನುನ ಸಾಧ್ಯತೆ ಉಂಡು.
ಜಾರ್ಖಂಡ್ ರಾಜಧಾನಿ ರಾಂಚಿಡ್ ಸೆಕ್ಷನ್ 144 ಜಾರಿ ಮಲ್ದೆರ್. ನಗರೊಡು ಕಾನೂನು ಸುವ್ಯವಸ್ಥೆ ಕಾಪೆರಗ್ ಮೂವೆರ್ ಪದುಕೆರೆ ಕೂಟ ಉಂಡು ಮಲ್ದೆರ್. 7,000ರ್ದ್‌ಲಾ ಎಚ್ಚ ಪೊಲೀಸ್ ಸಿಬ್ಬಂದಿನ್ ಉಂತಾದ್, ಆಯಕಟ್ಟ್‌ದ ಜಾಗೆಲೆನ ಮಿತ್ತ್ ವಿಶೇಷ ಗುಮನ ಕೊರೊಂದುಲ್ಲ ಪಂದ್ ಪೊಲೀಸೆರ್ ತೆರಿಪಾದೆರ್.