ಕರ್ನಾಟಕ ಬಜೆಟ್ : ಕಾಂಗ್ರೇಸ್‌ದ ಓಟುದ ಪ್ರಣಾಳಿಕೆಡ್ ಇತ್ತಿನ ತುಳು ಭಾಷಾ ಅಭಿವೃದ್ದಿ ಪ್ರಾಧಿಕಾರ ನನಲ ಘೋಷಣೆ ಆತಿಜಿ, ಪ್ರಶ್ನೇ ಕೇನಂದಿನ ಶಾಸಕೆರ್

Last updated on February 19th, 2024 at 07:25 am

ಸಿದ್ದರಾಮಯ್ಯೆರೆನ 15 ನೇ ಬಜೆಟ್‌ಡ್ ತುಳುಕು ಒವ್ವೇ ರೀತಿನ ಅನುದಾನ ದೀತಿನ ತೋಜುಜಿ. ತುಳು ಭಾಷಾ ಅಭಿವೃದ್ದಿ ಪ್ರಾಧಿಕಾರ ಮಲ್ಪುವ ತುಳು ಭಾಷೆಗ್ ಮಾನಾದಿಗೆ ಕೊರ್ಪ ಪನ್ತ್ ಕರಿನ ಸಲ ಓಟುದ ಪ್ರಣಾಳಿಕೆಡ್ ಕಾಂಗ್ರೇಸ್ ಪನ್ದಿತ್ತ್ಂಡಲಾ ನನಲ ಒವ್ವೇ ರೀತಿದ ಘೋಷಣೆ ಆತಿಜಿ.

ತುಳು ಭಾಷೆದ ಅಭಿವೃದ್ದಿಗ್ ಆವಡ್, ಮಂಗಳೂರು ವಿಶ್ವವಿದ್ಯಾಲಯೊಡು ತುಳುಕು ಸ್ವತಂತ್ರ ವಿಭಾಗ ಮಲ್ಪುನೆತ್ತ ಬಗೆಟ್ ಆವಡ್, ತುಳು ಭಾಷಾ ಶಿಕ್ಷಣೊಗು ಬೆರಿಬಲ ಕೊರ್ಪಿನೆತ್ತ ಬಗೆಟ್ ಆವಡ್, ತುಳು ಅಕಾಡೆಮಿದ ರಚನೆ ಬೊಕ್ಕ ಅವೆಕ್ ಅನುದಾನ ಕೊರ್ಪಿನೆತ್ತ ಬಗೆಟ್ ಆವಡ್ ಒವ್ಲೇ ರೀತಿದ ಘೋಷಣೊಲು ಬಜೆಟ್‌ಡ್ ಇಜ್ಜಿ. ಸತತವಾದ್ ತುಳುತ ಬಗೆಟ್ ಸಸಾರ ಭಾವನೆಲೆನ್ ಸರಕಾರ ತೂಪಾವೊಂದುಂಡು. ಈ ಬಗೆಟ್ ತುಳುನಾಡ ಶಾಸಕೆರ್ಲಾ ದುನಿಪು ದೆಪ್ಪಂದಿನವು ನಮ್ಮ ಹಣೆಬರ.