Last updated on March 18th, 2024 at 08:37 am
ಲೋಕಸಭಾ ಓಟುದ ನೀತಿ ಸಂಹಿತೆ ಆತಿನೆರ್ದಾವರ ಓಟುಡು ನಡಪುನ ಅಕ್ರಮೊಲೆಗ್ ಬ್ರೇಕ್ ಪಾಡರೆ ಪೋಲೀಸ್ ಇಲಾಖೆ ಅಟ್ಟನೆ ಮಲ್ದ್ಂಡ್. ಕುಡ್ಲ ಒಡಿಪುಗ ಗಡಿ ಆಯಿನ ಪೆಜಮಾಡಿಡ್ ಇತ್ತೆ ಚೆಕ್ಪೋಸ್ಟ್ ಸುರು ಆತ್ಂಡ್. ಉಂದೇ ಪೊರ್ತುಗು ಟೋಲ್ ಗೇಟ್ ತಪ್ಪಾವರೆ ಗಾಡಿದಕುಲು ಗಲಸೊಂದಿತ್ತಿನ ಪಲಿಮಾರ್-ಕರ್ನಿರೆದಲ್ಪಲಾ ಚೆಕ್ಪೋಸ್ಟ್ ಮಲ್ಪರೆ ಜಾಗೆ ಆತ್ಂಡ್.
ಪಲಿಮಾರ್ ರ್ದ್ ಕರ್ನಿರೆ, ಬಳ್ಕುಂಜೆ ಮಾರ್ಗೊಡು ಕುಡ್ಲ ಜಿಲ್ಲೆದ ಮೂಲ್ಕಿನ್ ಸಂಪರ್ಕ ಮಲ್ಪುನ ರೂಟುಡು ನೀರು, ವಿದ್ಯುತ್‌, ಶೌಚಾಲಯ ಇಂಚಿನ ಮೂಲ ಸೌಕರ್ಯೊಲೆನ ಒಟ್ಟುಗು ಈ ಚೆಕ್ಪೋಸ್ಟ್ ಮಲ್ಪೊಡಾಪುಂಡು. ಪಲಿಮಾರ್ ಮಠದ ಕೈತಲ್ ಉಂದೆನ್ ಮಲ್ಪುನ ಅಟ್ಟನೆ ಉಂಡು.