Last updated on March 17th, 2024 at 10:56 pm
ಮಹಿಳಾ ಪ್ರೀಮಿಯರ್ ಲೀಗ್‌ದ ರಡ್ಡನೇ ಆವೃತ್ತಿದ ಅಕೇರಿದ ಗೊಬ್ಬು ಇನಿ, ಮಾರ್ಚ್ 17 ತಾನಿ ದೆಲ್ಲಿದ ಅರುಣ್ ಜೇಟ್ಲಿ ಕ್ರಿಕೆಟ್ ಸ್ಟೇಡಿಯಂಡ್ ನಡತ್ಂಡ್. ಈ ಗೊಬ್ಬುಡು ಟಾಸ್ ಗೆಂದ್‌ದ್ ಸುರುಕು ಬ್ಯಾಟಿಂಗ್ ಮಲ್ತಿನ ಡೆಲ್ಲಿ ಕ್ಯಾಪಿಟಲ್ಸ್ ಕೂಟ ಆರ್ಸಿಬಿ ಬೌಲರ್‌ನಕಲೆನ ಸಾಂಘಿಕ ದಾಳಿಗ್ 18.3 ಓವರ್‌ಲೆಡ್ ತನ್ನ ಮಾತಾ ವಿಕೆಟ್ ಕಲೆವಂದು 113 ರನ್ ಒಟ್ಟು ಮಲ್ತ್ಂಡ್.
114 ರನ್‌ದ ಈಡ್ ಬೆರಿಪತ್ತಿನ ಸ್ಮೃತಿ ಮಂಧಾನ ಕೂಟ 19.3 ಓವರ್‌ಡ್ 2 ವಿಕೆಟ್ ನಷ್ಟೊಗು 115 ರನ್ ಮಲ್ತ್‌ದ್ 8 ವಿಕೆಟ್‌ಲೆನ ಮಲ್ಲ ಗೆಲ್ಮೆ ಸಾಧಿತ್‌ದ್ ಕಪ್ ದೇರ್ತೆರ್. ಸ್ಮೃತಿ ಮಂಧಾನ 31 ರನ್ , ಸೋಫಿ ಡಿವೈನ್ 32 ರನ್ ಮಲ್ತ್‌ದ್ ಔಟಾಯೆರ್. ಬೊಕ್ಕ ಎಲ್ಲಿಸ್ ಪೆರ್ರಿ(35*) ರಿಚಾ ಘೋಷ್(17*) ಆರ್‌ಸಿಬಿನ್ ಗೆಲ್ಮೆದ ಕರೆ ಮುಟ್ಟ ಕನತೆರ್.