Last updated on April 22nd, 2024 at 08:16 pm
ಪ್ರಧಾನ ಮಂತ್ರಿ ಕಿಸಾನ್ ಸಮ್ಮಾನ್ ನಿಧಿ ಯೋಜನೆಡ್ ಅರ್ಹ ಬೆನ್ನಿದಕಲೆನ ಖಾತೆಗ್ 2000 ರೂ ನ್ ನಿಡ್ಪೊಡು ಜಮಾ ಮಲ್ಪುಂಡು. ಇತ್ತೆ 17 ನೇ ಕಂತ್ ದ ಪನವುಗು ಬೆನ್ನಿದಕುಲು ಕಾತೊಂದುಲ್ಲೆರ್, ಈ ತಿಂಗೊಲ್ದ ಅಕೇರಿಗ್ ಇಜಿಂಡ ಮೇ ತಿಂಗೊಲುಡು ಜಮಾ ಆಪುಂಡು.
ಏರೆಗ್ ಪೂರಾ ಕಾಲ್ ಬರ್ಪುಜಿ?
ಕೇಂದ್ರ ಸರ್ಕಾರ ಪ್ರಧಾನ ಮಂತ್ರಿ ಕಿಸಾನ್ ಸಮ್ಮಾನ್ ನಿಧಿ ಯೋಜನೆದ ಪನವು ಜಮಾ ಆವೊಡಾಂಡ ಇ-ಕೆವೈಸಿ ಮಲ್ಪುನವು ಕಡ್ಡಾಯವಾದುಂಡು. ಇ-ಕೆವೈಸಿ ಮಲ್ಪಂದೆ ಉಪ್ಪುನಕಲೆಗ್ ಈ ಯೋಜನೆದ ಕಾಸ್ ಬರ್ಪುಜಿ.
ಅಂಚೆನೆ ಪ್ರಧಾನ ಮಂತ್ರಿ ಕಿಸಾನ್ ಸಮ್ಮಾನ್ ನಿಧಿ ಯೋಜನೆಗ್ ಏರ್ ಅರ್ಹೆರ್, ಏರ್ ಅರ್ಹೆರ್ ಅತ್ತ್ ಪನ್ಪಿನ ಪಟ್ಟಿ ಬುಡುಗಡೆ ಆತ್ಂಡ್, ಅವೆಟ್ ನಿಕ್ಲೆನ ಪುದರುಂಡಾ ಪನ್ದ್ ಚೆಕ್ ಮಲ್ಪೊಲಿ.
ಅರ್ಹ ಪಟ್ಟಿನ್ ಇಂಚ ಚೆಕ್ ಮಲ್ಪುಲೆ:
- ಸುರುಕು ಪ್ರಧಾನ ಮಂತ್ರಿ ಕಿಸಾನ್ ಸಮ್ಮಾನ್ ನಿಧಿ ಯೋಜನೆದ ಅಧಿಕೃತ ವೆಬ್ ಸೈಟ್ ಗ್ ಪೋಲೆ .(https://pmkisan.gov.in/)
- ಬೊಕ್ಕ ಫಲಾನುಭವಿಲೆನ ಆಯ್ಕೆ ಮಿತ್ತ್ ಒತ್ತುಲೆ.
- ಬೊಕ್ಕ ನಿಕ್ಲೆನ ರಾಜ್ಯ, ಜಿಲ್ಲೆ, ಉಪಜಿಲ್ಲೆ, ತಾಲೂಕು, ಗ್ರಾಮೊನು ಆಯ್ಕೆ ಮಲ್ಪುಲೆ.
- ಬೊಕ್ಕದ ಪೇಜ್ ಡ್ ಪ್ರಧಾನ ಮಂತ್ರಿ ಕಿಸಾನ್ ಸಮ್ಮಾನ್ ನಿಧಿ ಯೋಜನೆದ ಅರ್ಹ ಫಲಾನುಭವಿಲೆನ ಪಟ್ಟಿ ತೋಜುಂಡು. ಈ ಪಟ್ಟಿಡ್ ನಿಕ್ಲೆನ ಪುದರ್ ಇತ್ತ್ಂಡ ಮಾತ್ರ 17 ನೇ ಕಂತುದ ಕಾಸ್ ಬರ್ಪುಂಡು.
ಅನರ್ಹರೆನ ಪಟ್ಟಿನ್ ಎಂಚ ಚೆಕ್ ಮಲ್ಪುನು:
- ಸುರುಕು ಪ್ರಧಾನ ಮಂತ್ರಿ ಕಿಸಾನ್ ಸಮ್ಮಾನ್ ನಿಧಿ ಯೋಜನೆದ ಅಧಿಕೃತ ವೆಬ್ ಸೈಟ್ ಗ್ ಪೋಲೆ.(https://pmkisan.gov.in/villagedashboard_portal.aspx)
- ರಾಜ್ಯ, ಜಿಲ್ಲೆ, ತಾಲೂಕು, ಗ್ರಾಮನ್ ಆಯ್ಕೆ ಮಲ್ಪುಲೆ
- ಬೊಕ್ಕ ಸಬ್ಮಿಟ್ ಪನ್ಪಿನ ಆಯ್ಕೆನ್ ಒತ್ತುಲೆ.
- ಬೊಕ್ಕ aadhaar authentication status ಪನ್ಪಿನ ಆಯ್ಕೆ ಮಿತ್ತ್ ಕ್ಲಿಕ್ ಮಲ್ಪುಲೆ
- ಅಪಗ ಬರ್ಪಿನ ಪೇಜ್ ಡ್ ಪ್ರಧಾನ ಮಂತ್ರಿ ಕಿಸಾನ್ ಸಮ್ಮಾನ್ ನಿಧಿ ಯೋಜನೆದ ಅನರ್ಹರ ಪಟ್ಟಿ ತೋಜುಂಡು.