Last updated on April 12th, 2024 at 04:07 pm
ಬೆಂಗ್ಳೂರ್: ರಾಮೇಶ್ವರಂ ಕೆಫೆ ಸ್ಪೋಟ ಪ್ರಕರಣೊಗು ಸಂಬಂಧಿತ್‌ದ್ NIA ಬಾಂಬ್ ದೀದಿತ್ತಿನ ಉಗ್ರನ್ ಕೈದ್ ಮಲ್ದ್ಂಡ್. ಕೈದಾತಿನಾಯನ್ ಮುಸಾವೀರ್ ಶಾಜೀನ್ ಹುಸೇನ್ ಪಂದ್ ಗುರ್ತಪತ್ತ್‌ದೆರ್. ಕೋಲ್ಕತ್ತಾಡ್ ಉಂಬ್ಯನ್ ಪತ್ತ್‌ದೆರ್.
ರಾಮೇಶ್ವರಂ ಕೆಫೆ ಸ್ಪೋಟ ಪ್ರಕರಣೊಗು ಸಂಬಂಧಿತ್‌ದ್ ಜಡ್ತೆ ಮಲ್ತೊಂದಿತ್ತಿನ NIA ಇತ್ತೆ ಇರ್ವೆರ್ ಉಗ್ರೆರೆನ್ ಕೈದ್ ಮಲ್ದ್ಂಡ್. ಕೆಫೆಟ್ ಬಾಂಬ್ ದೀದಿತ್ತಿನ ಮುಸಾವೀರ್ ಶಾಜೀನ್ ಹುಸೀನ್ ಬೊಕ್ಕ ಈ ಸ್ಪೋಟದ ಮಾಸ್ಟರ್ ಮೈಂಡ್ ಮತೀನ್ ತಾಹಾ ಪನ್ಪಿನಕಲೆನ್ ಪತ್ತ್‌ದ್ಂಡ್. ಮೊಕುಲು ಅಸ್ಸಾಂ ಬೊಕ್ಕ ಪಡ್ಡಾಯಿ ಬಂಗಾಳದಂಚಿ ದೆಂಗ್ ತಪ್ಪಾದ್ ತಿರ್ಗೊಂದಿತ್ತೆರ್ ಪಂದ್ ತೆರಿದ್ಂಡ್.
ಬೆಂಗಳೂರ್‌ದ ರಾಮೇಶ್ವರಂ ಕೆಫೆಟ್ ಮಾರ್ಚ್ ಒಂಜೆಕ್ ಮಧ್ಯಾಹ್ನ ಸ್ಪೋಟ ನಡತಿತ್ತ್‌ದ್, 10 ಜನಕ್ ಗಡಿಕುಲಾದಿತ್ತ. ಅಲ್ಪದ ಸಿಸಿಟಿವಿ ದೃಶ್ಯೊಲೆನ ಆಧಾರೊಡು ಆರೋಪಿನ್ ಪತ್ತೆರೆ ಇಲಾಖೆ ಜತ್ತಿತ್ತ್ಂಡ್. ಮಾತ ಸಾಕ್ಷಿಲೆನ್ ಒಟ್ಟುಮಲ್ತಿನ ಇಲಾಖೆ ಇತ್ತೆ ಆರೋಪಿನ್ ನಾಡ್‌ಪತ್ತ್‌ದ್ಂಡ್.