Last updated on June 12th, 2024 at 05:16 pm
ತುಳುನಾಡ ಪುಗರ್ತೆದ, ಸಾರಗಟ್ಲೆ ವರ್ಸೊದ ಪರಪೋಕು ಉಪ್ಪುನ ಅನಂತೇಶ್ವರ ಚಂದ್ರಮೌಳೇಶ್ವರ ದೇವಲ್ಯೊಗು ಸಂಬಂಧಿತಿನ, ಒಡಿಪು ನಗರ ಗ್ರಾಮೊಗು ಸಂಬಂಧಿತಿನ ಸಾನೊನೇ ಬೊಬ್ಬರ್ಯೆ ಕಾಂತೇರಿ ಜುಮಾದಿ ಕಲ್ಕುಡೆ ಕೊರಗಜ್ಜೆ ಪರಿವಾರ ದೈವೊಲೆನ ಸಾನ, ಒಡಿಪು.
ಈ ದೈವಸ್ಥಾನೊಡು ಪ್ರಮುಖ ದೈವೊಲಾಯಿನ ಬೊಬ್ಬರ್ಯೆ, ಕಾಂತೇರಿ ಜುಮಾದಿ ಅಂಚೆನೇ ಬಂಟೆ ಪಿಲಿಚಂಡಿ ಬೊಕ್ಕ ಬಂಟೆ, ಪಂಜುರ್ಲಿ, ಕಲ್ಕುಡ ಕೊರಗಜ್ಜ ದೈವೊಲು ಇತ್ತ್‌ದ್, ಮಾತ ದೈವೊಲೆಗ್ಲಾ ಒಂಜೊಂಜಿ ಮೂಲ ಇತಿಹಾಸ ಇತ್ತ್‌ದ್ ಕಾರ್ನಿಕ ತೋಜಾವೊಂದುಲ್ಲೆರ್. ಅವೇತೋ ಭಕ್ತೆರೆ ಕಣನೀರ್ ಒಚ್ಚಿನ ಉದಾರ್ಮೆಲು ಉಲ್ಲ ಅಂಚಿನನೇ ಒಂಜಿ ಉದಾರ್ಮೆ ಪ್ರವೀಣ್ ಸೇರಿಗಾರ್.
ಒಡಿಪುದ ಕಿನ್ನಿಮುಲ್ಕಿ ನಿವಾಸಿ ಪ್ರವೀಣ್ ಸೇರಿಗಾರ್
ಕಿನ್ನಿಮುಲ್ಕಿ ನಿವಾಸಿ ಪ್ರವೀಣ್ ಪನ್ಪಿನಾರೆನ ಟೂವೀಲರ್ ಕಂಡ್‌ದ್ ಪೋದಿತ್ತಿನ ಪೊರ್ತುಡು ಈ ದೈವಸಾನೊಗು ಬತ್ತ್‌ದ್ ಭಕ್ತಿಡ್ ಕೊರಗಜ್ಜನ್ ಸುಗಿತ್‌ದ್ ಚಕ್ಕುಲಿ ಬೀಡ ಲಿಕ್ಕರ್ ಬಾಟಲಿನ್ ಪರಕೆ ಸಂದಾವೆ, ಕಂಡ್‌ದ್ ಪೋತಿನ ಗಾಡಿ ಪಿರತಿಕ್ಕುಲೆಕ ಮನ್ಪು ಪಂದ್ ಕೇನೊಂದೆರ್. ಪ್ರಾರ್ಥನೆ ಮಲ್ತ್ 15 ದಿನೊಟೇ ಟೂವೀಲರ್ ಗೋವಾಡ್ ತಿಕ್ಕ್‌ದ್ಂಡ್ ಪನ್ಪಿ ಒಲವು ಪೊಲೀಸ್‌ ಮುಕೇನ ಗೊತ್ತಾಪುಂಡು.
ಅವೆರ್ದ್ ಬೊಕ್ಕ ದೈವಸಾನೊಗು ಬತ್ತ್‌ದ್ ಪರಕೆ ಸಂದಾದ್ ಬಯ್ಯಡ್ ನಿಚ್ಚೊಲಾ ನಿನ್ನ ಸಾನೊದಲ್ಪ ಸ್ವಚ್ಛತೆ ಮನ್ಪೆ ಪಂದ್ ಪಂಡ್‌ದ್ ಇತ್ತೆ ದಿನೋಲಾ ಬಯ್ಯಡ್ ಮಡಿ ಮನ್ಪೆರ್.