Last updated on July 18th, 2024 at 04:30 pm
ಕುಡ್ಲ: ಈ ಸರ್ತಿದ ಬರ್ಸ ಕನತಿನ ಅವಾಂತರೊರ್ದು ಬೆನ್ನಿದಕುಲು ಬಂಙ ಬರ್ಪಿಲೆಕ ಆತ್ಂಡ್. ಅದ್ಯಪಾಡಿಡ್ ಜಲಪ್ರವಾಹ ಉಂಡಾದಿತ್ತ್‌ದ್, ಸುದೆತ ನೀರ್ ಉಬ್ಬೆರ್ದ್ ನೂದು ಎಕ್ರೆರ್ದ್‌ಲಾ ಎಚ್ಚಿನ ಬುಲೆ ಹಾನಿಯಾತ್ಂಡ್. ಬರ್ಸೊದ ನೀರ್ ಪೊಗ್ಗುದು ಪಾಕ ಕೃಷಿ ಭೂಮಿ ನಾಶ ಆದ್, ಸಾರಗಟ್ಲೆ ಎಕರೆ ತೋಟೊಗು ಹಾನಿಯಾತ್ಂಡ್.
ಬಾರ್, ಕಂಗ್, ತಾರೆ, ಬಾರೆ ಸೇರ್ದ್ ಲಕ್ಷಗಟ್ಲೆ ಮೌಲ್ಯೊದ ಕೃಷಿ ಭೂಮಿ ನಾಶ ಆತ್ಂಡ್. ಒಂಜಿ ಪೊರ್ತುದ ವನಸ್‌ಗ್ಲಾ ಬಂಙ ಬರೊಂದುಲ್ಲೆರ್ ಮೊಗೇರ್‌ಕುದ್ರುದ ಜನೊಕುಲು. ತಾದಿ ಸಂಪರ್ಕನೇ ಇದ್ಯಂದೆ 15 ಫೀಟ್ ಎತ್ತರೊಡು ಪರಪುನ ನೀರ್‌ದ ನಡುಟು ಬಾರೀ ಬಂಙೊಡು ದಿನ ಕರಿತೊಂದಿತ್ತ್‌ದ್, ಕೃಷಿ ಭೂಮಿ ಮಾತ ಸುದೆತ ಲೆಕ ಆತ್ಂಡ್. ಓಡ ಬುಡ್ಂಡ್ ಇಡೀ ಗ್ರಾಮೊಗು ಸಂಪರ್ಕ ವ್ಯವಸ್ಥೆನೇ ಇಜ್ಜಿ. 35 ಇಲ್ಲ್‌ಲ್ ಮುರ್ಕುದ್ ಪೋತ.
ಇಡೀ ಮೊಗೇರಕುದ್ರು ಗ್ರಾಮೊನೇ ಮುರ್ಕುದಿತ್ತ್‌ದ್ ಕಿದೆ ಕೊಟ್ಯಲೆಡ್ ನೀರ್ ದಿಂಜಿದ್ಂಡ್. ಫಲ್ಗುಣಿ ಸುದೆತ ನೀರ್‌ದ ಅಬ್ಬರ ಎಚ್ಚಾದಿತ್ತ್‌ದ್, ಅವೈಜ್ಞಾನಿಕ ಡ್ಯಾಮ್‌ರ್ದ್ ಒವ್ವೇ ಪೊರ್ತುಡು ನೀರ್‌ದ ಪರಪು ಎಚ್ಚ ಆಪಿನ ಪೋಡಿಗೆಡ್ ಜನ ದಿನ ಕರಿತೊಂದುಲ್ಲೆರ್.
