Last updated on August 30th, 2024 at 09:55 am
ಕಡಬ: ಕರಿನ ಕೆಲ ದಿನೊರ್ದಿಂಚಿ ರಾತ್ರೆಡ್ ಇಲ್ಲದಲ್ಪರ್ದ್ ಸಾಂಕಿನ ನಾಯಿಲು ನಾಪತ್ತೆ ಆವೊಂದಿತ್ತ್‌ದ್, ಐಕ್ಲೆನ್ ಚಿಟ್ಟೆಪಿಲಿ/ಕುಲು ಒಯ್ತೊಂದು ಪೋತ ಪನ್ಪಿನ ಸುದ್ದಿ ಕೋಡಿಂಬಾಳದ ಪುಳಿಕುಕ್ಕು, ಪಂಜ, ನೇರಳದ ಜನೊಕ್ಲೆನ ಪೋಡಿಗೆಗ್ ನೆವನ ಆತ್ಂಡ್.
ಪಂಜದ ಕರುಂಬು ನೆಕ್ಕಿಲ ನಿವಾಸಿ ರಾಮಚಂದ್ರ ಭಟ್‌ ಮೆರೆನ 2 ಸಾಂಕಿನ ನಾಯಿಲು ಆ. 28 ದಿನಿ ರಾತ್ರೆ ಕೂಡ್‌ರ್ದ್ ಪಿದಯಿ ಬುಡಿ ಬೊಕ್ಕ ತೋಟದಂಚಿ ಪೋದು ಅವೆರ್ದ್ ಬೊಕ್ಕ ನಾಪತ್ತೆ ಆತ. ಆರೆನ ಬರಿತ ಇಲ್ಲದ ಸಿಟೌಟ್‌ಡ್ ರಾತ್ರೆ ಜೆತ್ತಿತ್ತಿನ ಸಾಂಕಿನ ನಾಯಿಲಾ ಕೆಲ ದಿನೊಕು ದುಂಬು ನಾಪತ್ತೆ ಆದಿತ್ತ್‌ದ್, ಇಲ್ಲದಕುಲು ಕಾಂಡೆ ಲಕ್ಕ್‌ದ್ ತೂನಗ ಸಿಟೌಟ್‌ಡ್ ನಾಯಿದ ಪಿ ಇತ್ತ್‌ದ್, ಒವ್ವಾ ಪ್ರಾಣಿದ ಒಟ್ಟುಗು ಕಾದ್‌ದ್‌ನ ಲೆಕ ಕೆಸರ್ ಬೊಕ್ಕ ಪಜ್ಜೆದ ಗುರ್ತ ತೋಜಿದ್ಂಡ್ ಪಂದ್ ಒಲವು ಕೊರ್ತೆರ್.
ಮುಲ್ಪದ ಬೊಳ್ಳಾಜೆ, ಪೊಳೆಂಜ, ನೆಕ್ಕಿಲ, ನೇರಳ ಇಂಚಿನ ಜಾಗೆಲೆಡ್ ದುಂಬು ಕಿನ್ನಿಲೆನ ಒಟ್ಟುಗು ರಡ್ಡ್ ಚಿಟ್ಟೆಪಿಲಿಕುಲು ತೋಜಿದಿತ್ತ ಪನ್ಪಿನ ಸುದ್ದಿ ಪರಡ್‌ದಿತ್ತ್‌ದ್, ಕಾಣೆ ಆತಿನ ನಾಯಿಲು ಚಿಟ್ಟೆಪಿಲಿತ ಪಾಲಾದುಪ್ಪು ಪಂದ್ ಊರುದಕುಲು ಪಾತೆರೊಂದುಲ್ಲೆರ್. ನಾಯಿಲೆನ್ ಚಿಟ್ಟೆಪಿಲಿ ಕೊನೊತುಂಡು ಪನ್ಪಿನ ಸುದ್ದಿರ್ದ್ ಪೋಡಿಕಟ್ಟಿದಿನ ಸ್ಥಳೀಯೆರ್ ಅರಣ್ಯ ಇಲಾಖೆಗ್ ಒಲವು ಕೊರ್ದಿತ್ತ್‌ದ್, ಅರಣ್ಯ ಇಲಾಖಾ ಸಿಬಂದಿಲು ಜಾಗೆಗ್ ಬತ್ತ್‌ದ್ ಪರಿಶೀಲನೆ ಮಲ್ತ್‌ದೆರ್.