Last updated on January 5th, 2025 at 03:56 pm
ಕಾರ್ಲ: ಜನವರಿ 05: 60 ಫೀಟ್ ಗಂತ್‌ದ ಗುವೆಲ್ಗ್ ಬೂರ್ದಿತ್ತಿನ ದಂಪತಿಲೆನ್ ಕಾರ್ಲ ಅಗ್ನಿ ಶಾಮಕದಳೊತ ಸಿಬ್ಬಂದಿಲು ರಕ್ಷಣೆ ಮಲ್ತ್‌ದೆರ್. ಕಲ್ಲೊಟ್ಟೆ ಪೆರ್ವಜೆ ರೋಡ್‌ ನಿವಾಸಿಲಾಯಿನ ಅನಿತಾ ಮಲ್ಯ (57) ಬೊಕ್ಕ ಆರೆನ ಕಂಡನೆ ಅಣ್ಣಪ್ಪ ಮಲ್ಯ (59) ಬದ್‌ಕ್‌ದ್ ಒರಿನಕುಲು.
ಸುಮಾರ್ 60 ಫೀಟ್ ಗಂತ್‌ದ ಅಂಚೆನೇ 20 ಫೀಟ್ ನೀರ್ ಇತ್ತಿನ ಗುವೆಲ್ಗ್ ಪೊಂಜೊವು ಒರ್ತಿ ಕಾಂಡೆ ಆಕಸ್ಮಿಕವಾದ್ ಬೂರ್ದಿತ್ತ್‌ದ್, ಆರೆನ್ ಬದ್‌ಕಾಯೆರ ಆರೆನ ಕಂಡನೆಲಾ ಗುವೆಲ್ಗ್ ಜತ್ತ್‌ದೆರ್ ಪನ್ದ್ ಪನೊಂದುಲ್ಲೆರ್. ನೀರ್‌ಡ್ ಪಂಪ್‌ದ ಪೈಪ್ ಪತೊಂದು ಪಡಾಯಿಡಿತ್ತಿನ ಪೊಂಜೊವು ಬೊಕ್ಕ ಆರೆನ ಕಂಡನ್ಯನ್ ಕಾರ್ಲ ಅಗ್ನಿ ಶಾಮಕದಳೊತ ಅಧಿಕಾರಿ ಬೊಕ್ಕ ಸಿಬ್ಬಂದಿಲು ತಾಪುರ್ತೋಪು ಕಾರ್ಯಾಚರಣೆ ಮಲ್ತ್‌ದ್ ಮಿತ್ತ್ ದೇರ್ತ್‌ದ್ ಪೆರಣ ಒರಿಪಾದೆರ್.
ಕಾರ್ಯಚರಣೆಡ್ ಅಧಿಕಾರಿಲಾಯಿನ ಆಲ್ಬರ್ಟ್ ಮೋನಿಸ್, ಸಹಾಯಕ ಅಗ್ನಿಶಾಮಕ ಅಧಿಕಾರಿ ಚಂದ್ರ ಶೇಖರ್ ಸಿಬ್ಬಂದಿಲಾಯಿನ ಹರಿಪ್ರಸಾದ್ ಶೆಟ್ಟಿಗಾರ್, ಸಂಜಯ್, ಹಸನ್ ಮುಲ್ತಾನಿ, ರವಿಚಂದ್ರ ಕೊರವರ ಒತ್ತುಪಾಲ್‌ಡಿತ್ತೆರ್.