Last updated on January 31st, 2025 at 11:17 am
2018ಡ್ ಕರ್ನಾಟಕದ ಯಾದಗಿರಿಟ್ ನಡತಿನ ಭೀಮಾ ಪುಷ್ಕರ ಕುಂಭಮೇಳಡ್ ಮಲ್ಲಿಕಾರ್ಜುನ ಖರ್ಗೆ ಬೊಡೆದಿನ ಒಟ್ಟುಗು ಗಂಗಾಪೂಜೆ ಮಲ್ತಿತ್ತೆರ್. ಅವೆದ್ದ್ ಬೊಕ್ಕ ಭೀಮಾ ಸುದೆಟ್ ಬಾಗಿನಲಾ ಬುಡ್ದಿತ್ತೆರ್.

ಆ ಪೊರ್ತುಡು ಪಾತೆರ್ನ ಖರ್ಗೆ, ಸುದೆಕ್ಲೆಡ್ ಮುಕ್ಕೋಟಿ ದೇವೆರ್ನಕುಲು ನಿಲೆ ಆದುಪ್ಪೆರ್ ಪನ್ಪಿನ ಧಾರ್ಮಿಕ ನಂಬೊಲಿಗೆ. ಪುಷ್ಕರಲಾ ಅಪರೂಪದ ಧಾರ್ಮಿಕ ಕಾರ್ಯಕ್ರಮ. ಕುಂಭಮೇಳಡ್ ಪಾಲ್ಪಡೆದ್ ಎನ್ನ ಮನಸ್ಗ್ ಆತ್ಮತೃಪ್ತಿ ಆತ್ಂಡ್. ಬೆನ್ನಿದಕಲೆನ ಜೀವನಾಡಿ ಆದುಪ್ಪುನ ಸುದೆಕ್ಲೆನ ಪೂಜೆ ಮನ್ಪೊಡು ಪನ್ದ್ ಪನ್ದಿತ್ತೆರ್.
ಆಂಡ ಇಂಚಿಪ ಎಐಸಿಸಿ ಅಧ್ಯಕ್ಷೆ ಮಲ್ಲಿಕಾರ್ಜುನ ಖರ್ಗೆ ಮಹಾಕುಂಭ ಮೇಳದ ಬಗೆಟ್ ಪನ್ತಿನ ಪಾತೆರೊರ್ದು ಬೊಕ್ಕ ಈ ಫೋಟೋ ಕುಡ ವೈರಲ್ ಆವೊಂದುಂಡು. ಬಿಜೆಪಿದಕುಲು ನಿಕುಲು ಮಲ್ತರ್ನ್ಡ ಸಂಸ್ಕೃತಿ, ಎಂಕುಲು ಮಲ್ತಂಡ ವಿಕೃತಿಯಾ ಪನ್ದ್ ಕೇನೊಂದುಲ್ಲೆರ್.
