Last updated on January 11th, 2025 at 09:30 am
ಬೆಂಗಳೂರು: ಪಿಲಿಕುಳ ಜೈವಿಕ ಪಾರ್ಕ್‌ದ ಮುಟ್ಟಡ್ ಕಂಬುಲೊಗು ಅವಕಾಶ ಕೊರ್ಯೆರೆ ಬಲ್ಲಿ ಅಂಚೆನೇ ತುಳುನಾಡ್( ಉಡುಪಿ, ದಕ್ಷಿಣ ಕನ್ನಡ ಜಿಲ್ಲೆ) ದ ಪಿದಯಿಲಾ ಕಂಬುಲ ನಿಷೇಧ ಮಲ್ಪೊಡು ಪನ್ದ್ ಪ್ರಾಣಿ ದಯಾ ಸಂಘಟನೆ ಪೇಟಾ ಸಂದಾದಿನ ಅರ್ಜಿದ ವಿಚಾರಣೆನ್ ರಾಜ್ಯ ಹೈಕೋರ್ಟ್‌ ಜನವರಿ 21ಕ್ ದುಂಬು ಪಾಡ್ದ್ಂಡ್.
ಶುಕ್ರವಾರ ಪ್ರಕರಣೊದ ವಿಚಾರಣೆ ಮುಖ್ಯ ನ್ಯಾಯಮೂರ್ತಿ ಎನ್‌.ವಿ. ಅಂಜಾರಿಯಾ ಬೊಕ್ಕ ನ್ಯಾ| ಎಂ.ಐ. ಅರುಣ್‌ ಮೊಕಲೆನ ವಿಭಾಗೀಯ ನ್ಯಾಯಪೀಠೊದ ಎದುರು ಬತ್ತಿನ ಪೊರ್ತುಡು ರಾಜ್ಯ ಸರಕಾರೊದ ಪರವಾದ್ ಬತ್ತಿನ ವಕೀಲೆರ್, ಅಡ್ವೋಕೇಟ್‌ ಜನರಲ್‌ ಇನಿ ಇಜ್ಜೆರ್, ಅಂಚಾದ್ ವಿಚಾರಣೆನ್ ದುಂಬು ಪಾಡುಲೆಕ ನ್ಯಾಯಂತಡೆಟ್ ಬಿನ್ನಪು ಮಲ್ತೆರ್. ಅಂಚಾದ್ ಪ್ರಕರಣೊದ ವಿಚಾರಣೆನ್ ಜ. 21ಕ್ ನ್ಯಾಯಂತಡೆ ದುಂಬು ಪಾಡ್ಂಡ್.