Last updated on January 8th, 2025 at 01:27 pm
ಕಾರ್ಲ: ಸಿಬಿಐ ಪುದರ್‌ಡ್ ಪೋಡಿಗೆಕಟ್ಟಾದ್ ಕಾರ್ಲದ ಪೊಂಜೊವುಗು ಲಕ್ಷಗಟ್ಲೆ ರೂ. ದಗೆ ಮಲ್ದಿನ ನಡಕೆ ವರದಿಯಾತ್ಂಡ್.
ಜ.7ತಾನಿ (ಅಂಗಾರೆ) ಪ್ರೀಮ ಶರಿಲ್ ಡಿಸೋಜ (38) ಮೆರೆಗ್ ಟೆಲಿಕಾಂ ಕಂಪೆನಿರ್ದ್ ಕಾಲ್ ಮಲ್ದಿನ ಪನ್ದ್ ತೆರಿಪಾಯಿನಾಯೆ ಒರಿ, ಈರೆನ ಆಧಾರ್ ಕಾರ್ಡ್ ನಂಬರ್‌ರ್ದ್ ಉತ್ತರ ಪ್ರದೇಶೊಡು ಬೇತೆ ಸಿಮ್ ಗೆತೊಂದು ಬೇತೆ ಬೇತೆ ಅಕ್ರಮ ಬೇಲೆಲೆನ್ ಮಲ್ತ್‌ದ್ ಈರೆನ ಮಿತ್ತ್ ಪಾಕ ಪ್ರಕರಣೊಲು ದಾಖಲಾತ ಪನ್ದ್ ಪೋಡ್ಯಾದೆ.
ಬೊಕ್ಕ ಈ ಬಗೆಟ್ ಸೈಬರ್ ಅಧಿಕಾರಿ ಈರೆಡ ಪಾತೆರ್ವೆರ್ ಪನ್ದ್ ತೆರಿಪಾದೆ. ವೀಡಿಯೋ ಕಾಲ್ ಮಲ್ತ್‌ದ್ ಪೊಲೀಸ್ ಯೂನಿಫಾರ್ಮ್ ಪಾಡ್ದಿನ ಆಂಜೊವು ಯಾನ್ ಸಿಬಿಐ ಅಧಿಕಾರಿ ಪನ್ದ್ ಪನ್ಡ್‌ದ್ ಈರ್ ಜಡ್ತೆಗ್ ಸಹಕರಿಪೊಡು. ಈ ವಿಚಾರೊನು ಏರೆಡಲಾ ಪನ್ಯೆರೆ ಬಲ್ಲಿ. ಪನ್ಡರ್ನ್ಡ ಈರೆನ ಕಂಡನೆ ಬೊಕ್ಕ ಬಾಲೆಗ್ ತೊಂದರೆ ಆಪುಂಡು ಪನ್ದ್ ಪೋಡ್ಯಾದೆ. ಶರಿಲ್ ಮೆರೆನ ಬ್ಯಾಂಕ್ ಖಾತೆಡುಪ್ಪುನ ಕಾಸ್‌ದ ಒಲವು ಗೆತೊಂದು, ಕಾಸ್‌ನ್ ಆಯೆ ಪನ್ಡಿನ ಅಕೌಂಟ್‌ಗ್ ಕಡಪುಡೊಡು, ಇಜಿಂಡ ಅರೆಸ್ಟ್ ವಾರಂಟ್ ಕಡಪುಡುವ ಪನ್ದ್ ಪೌಡಿಪಾದೆರ್. ಉಂದೆರ್ದಾವರ ಪೋಡಿದ್ ಬೊಲ್ಚಿನ ಪೊಂಜೊವು ಫೆಡರಲ್ ಬ್ಯಾಂಕ್‌ದ ಅಕೌಂಟ್‌ಗ್ 14 ಲಕ್ಷ ರೂ. ಬೊಕ್ಕ ಯೆಸ್‌ ಬ್ಯಾಂಕ್ ಅಕೌಂಟ್‌ಗ್ 10 ಲಕ್ಷ ರೂ. ಕಾಸ್ನ್ನು‌ನ್ ಎಫ್‌ಡಿ ಅಕೌಂಟ್‌ರ್ದ್ ಆರ್‌ಟಿಜಿಎಸ್ ಮಲ್ತ್ ಕಡಪುಡ್ದ್ ಮಂಗೆ ಆತೆರ್.
ಕಾರ್ಲ ಗ್ರಾಮಾಂತರ ಪೊಲೀಸ್ ಸ್ಟೇಶನ್‌ಡ್ ಪ್ರಕರಣ ದಾಕಲಾತ್ಂಡ್.