Last updated on February 8th, 2025 at 07:59 am
ಬೆದ್ರಡ್ ನಡತೊಂದಿತ್ತಿನ ಆಟೋ ಕ್ರಾಸ್ ಡರ್ಟ್ ರೇಸಿಂಗ್ ಈ ಸರ್ತಿ ಕಡಬದ ಆತೂರ್‌ಡ್ ಅಟ್ಟನೆ ಆತ್ಂಡ್. ಫೆಬ್ರವರಿ 9ದಾನಿ ಉಬಾರ್‌ಗ್ ಮುಟ್ಟದ ಆತೂರ್‌ಡ್ ಈ ಕಾರ್ ರೇಸ್ ನಡಪುಂಡು ಪನ್ದ್ ರೇಸ್ ಆಯೋಜಕೆ ನಜೀರ್ ಕೆ.ಟಿ. ಪನ್ಡೆರ್.
ಅಂಗಾರೆ ಪತ್ರಿಕಾಗೋಷ್ಠಿಡ್ ಪಾತೆರ್ನ ಆರ್, ಇತ್ತೆನೇ ಬೆದ್ರಡ್ ರಡ್ಡ್ ಸರ್ತಿ ಕಾರ್ ರೇಸ್ ಮಲ್ದ್ಂಡ್. ಇತ್ತೆ ಪುತ್ತೂರ್ ಮರ್ಗಿಲ್‌ಡ್ ರೇಸ್ ಮಲ್ತೊಂದುಲ್ಲ. ಸುಮಾರ್ ಒಂಜೇ ಕಾಲ್ ಕಿಲೋ ಮೀಟರ್‌ದ ಟ್ರ್ಯಾಕ್‌ಡ್ ರೇಸ್ ಕಾರ್‌ಲ್ ತನ್ಕುಲೆ ಚಮತ್ಕಾರ ತೋಜಾವರೆ ಉಲ್ಲ. 13 ವಿಭಾಗೊಡು ಪಂತೊದ ಆಯೋಜನೆ ಮಲ್ತಿತ್ತ್‌ದ್, ಗೆಂದಿನಕ್ಲೆಗ್ ಟ್ರೋಫಿ ಕೊರ್ಪುಂಡು ಪನ್ದ್ ಪನ್ಡೆರ್.
ಎಲ್ಲೆ ಕರ್ನಾಟಕ ವಿಧಾನ ಸಭೆತ ಸ್ಪೀಕರ್ ಯು.ಟಿ. ಖಾದರ್ ಮೇರ್ ರೇಸ್‌ದ ಉದಿಪನ ಮನ್ಪೆರ ಉಲ್ಲೆರ್. ಶಾಸಕೆ ಅಶೋಕ್ ಕುಮಾರ್ ರೈ ಮೇರ್ ಗುರ್ಕಾರ್ಮೆ ವಯಿನೊನುವೆರ್ ಪನ್ದ್ ಪನ್ಡೆರ್.