Last updated on February 10th, 2025 at 01:44 pm
ತಿರುಮಲ ಫೆಬ್ರವರಿ 10: ತಿರುಪತಿದ ಲಾಡ್ ಪುರ್ಸದೊಗು ಪ್ರಾಣಿಲೆನ ಚರ್ಬಿ ಬೆರಕೆ ಮಲ್ತಿನ ಪ್ರಕರಣೊಗು ಸಂಬಂಧಿತ್‌ದ್ ನಾಲ್ವೆರ್ ಆರೋಪಿಲೆನ್ ಸಿಬಿಐ ಕೈದ್ ಮಲ್ದ್ಂಡ್.
ಭೋಲೆ ಬಾಬಾ ಡೈರಿದ ಮಾಜಿ ನಿರ್ದೇಶಕೆ ವಿಪಿನ್ ಜೈನ್ ಬೊಕ್ಕ ಪೊಮಿಲ್ ಜೈನ್ (ರೂರ್ಕಿ, ಉತ್ತರಾಖಂಡ), ವೈಷ್ಣವಿ ಡೈರಿದ (ಪೂನಂಬಾಕ್ಕಂ) ಸಿಇಒ ಅಪೂರ್ವ ವಿನಯ್ ಕಾಂತ್ ಚಾವ್ಡಾ ಬೊಕ್ಕ ಎಆರ್ ಡೈರಿ (ದುಂಡಿಗಲ್) ದ ಎಂಡಿ ರಾಜು ರಾಜಶೇಖರನ್ ಮೊಕುಲು ಲಾಡ್ ಪುರ್ಸದೊಗು ಚರ್ಬಿ ಬೆರಕೆ ಮಲ್ತಿನ ಪ್ರಕರಣೊಡು ಕೈದಾತಿನ ಆರೋಪಿಲು. ಮಾತಾ ಆರೋಪಿಲೆನ್ ವಶೊಕು ಗೆತೊಂದಿನ ಎಸ್‌ಐಟಿ ಅಧಿಕಾರಿಲು ಇನಿ, ಸೋಮಾರ ನ್ಯಾಯಂತಡೆಕ್ ಹಾಜಿರಿ ಮನ್ಪಾವುನು ಪನ್ದ್ ಜಡ್ತೆದ ಕೂಟ ಪನ್ತ್ಂಡ್.
ಪ್ರಕರಣೊಗು ಸಂಬಂಧಿತ್‌ದ್ ಸುಪ್ರೀಂ ಕೋರ್ಟ್ ಆದೇಶೊದ ಮಿತ್ತ್ ಜಡ್ತೆ ಮಲ್ತಿನ ಹೈದರಾಬಾದ್ ವಿಭಾಗೊದ ಜಂಟಿ ನಿರ್ದೇಶಕೆ ವೀರೇಶ್ ಪ್ರಭು, ವಿಶಾಖಪಟ್ಟಣಂ ಸಿಬಿಐ ಎಸ್ಪಿ ಮುರಳೀರಾಂಬ, ವಿಶಾಖಪಟ್ಟಣಂ ಡಿಐಜಿ ಗೋಪಿನಾಥ್ ಜೆಟ್ಟಿ, ಗುಂಟೂರು ಐಜಿ ಸರ್ವಶ್ರೇಷ್ಠಿ ತ್ರಿಪಾಠಿ ಬೊಕ್ಕ ಎಫ್‌ಎಸ್‌ಎಸ್‌ಎಐ ಅಧಿಕಾರಿ ಸತ್ಯಕುಮಾರ್ ಪಾಂಡಾ ಮುತಾಲಿಕೆದ ಕೂಟ ನಾಲ್ವೆರ್ ಆರೋಪಿಲೆನ್ ಕೈದ್ ಮಲ್ದ್ಂಡ್.