Last updated on February 12th, 2025 at 08:11 am
ತಮಿಳ್‌ನಾಡ್: ಶಾಲೆದ ಬಸ್ಸ್‌ಡ್ ಸೀಟ್‌ಗ್ ಬೋಡಾದ್ ಕಂಟ್ಯೊಂಡಿನೆಟ್ ಗಾತಿದ ಪೆಟ್ಟಾದಿತ್ತಿನ 14 ವರ್ಸ ಪ್ರಾಯೊದ ವಿದ್ಯಾರ್ಥಿ ತೀರ್ದಿನ ನಡಕೆ ಸೇಲಂ ಪೊಲೀಸ್ ಸ್ಟೇಶನ್ ಸೀಮೆಡ್ ನಡತ್‌ದ್ಂಡ್.
9 ನೇ ತರಗತಿದ ಇರ್ವೆರ್ ಜೋಕುಲು ಸರವಣನ್ ಬೊಕ್ಕ ಕಂದಗುರು ನಡುಟು ಶಾಲೆದ ಬಸ್ಸ್‌ಡ್ ಸೀಟ್‌ದ ವಿಚಾರೊಡು ಲಡಯಿ ಆತ್ಂಡ್. ಅಕೇರಿಗ್ ಈ ಲಡಯಿ ಮಲ್ಲೆ ಮಲ್ಲೆ ಆದ್ ಸರವಣೆ ಕಂದಗುರುನು ನೂಕುದೆ. ನೂಕಿನ ಪೆಟ್ಟ್‌ಗ್ ಕಂದಗುರು ಬೂರ್ದು ತರೆಕ್ ಗಡಿಯಾತ್ಂಡ್. ಕಂದಗುರುನು ಆಸ್ಪತ್ರೆಗ್ ದಾಕಲ್ತ್‌ದಿತ್ತ್‌ದ್, ಮರ್ದ್ ಪಲಿಪಂದೆ ಕಂದಗುರು ತೀರ್ದೆ.
ಈ ನಡಕೆದ ಬೆರಿಟೇ ಸೇಲಂ ಪೊಲೀಸೆರ್ ಸರವಣನ್‌‌ನ್ ವಶೊಕು ಗೆತೊಂದೆರ್. ನನದ ಕಾನೂನು ಕ್ರಮೊಕು ಆಯನ್ ಬಾಲ ನ್ಯಾಯ ಮಂಡಳಿದ ಎದುರು ಹಾಜಿರಿ ಮಲ್ದ ಪನ್ದ್ ಅಧಿಕಾರಿಲು ಒಲವು ಕೊರ್ತೆರ್. ನನ ಕಂಟ್ಯೊಂದಿನ ನೆವನದ ಬಗೆಟ್ ಅಧಿಕಾರಿಲು ಜಡ್ತೆ ಮಲ್ತೊಂದುಲ್ಲೆರ್.