Last updated on February 12th, 2025 at 11:49 am
ರಾಜ್ಯ ಮಟ್ಟೊದ ಎಸ್ಸೆಸ್ಸೆಲ್ಸಿ ಪ್ರಿಪರೇಟರಿ ಪರೀಕ್ಷೆದ ಪೊಸ ಪೊರ್ತುಪಟ್ಟಿನ್ ಕರ್ನಾಟಕ ಶಾಲಾ ಪರೀಕ್ಷೆ ಬೊಕ್ಕ ಮೌಲ್ಯ ನಿರ್ಣಯ ಮಂಡಳಿ ಪ್ರಕಟ ಮಲ್ದ್ಂಡ್.
ಫೆ.25ರ್ದ್ ಮಾ. 4ಮುಟ್ಟ ಪರೀಕ್ಷೆ ನಡಪರೆಗುಂಡು. ಮಾ.1ರ್ದ್ ಸೆಕೆಂಡ್ ಪಿಯು ಪರೀಕ್ಷೆ ತೊಡಂಗೆರೆ ಇಪ್ಪುನೆರ್ದಾವರ ಪರೀಕ್ಷಾ ಕೇಂದ್ರೊಲೆಡ್ ಸಮಸ್ಯೆ ಆಪಿನೆನ್ ತೆಲಾಪುನ ಉದ್ದೇಶೊಡು ಹಿಂದಿ, ವಿಜ್ಞಾನ ಬೊಕ್ಕ ಸಮಾಜ ವಿಜ್ಞಾನ ಪರೀಕ್ಷೆಲೆನ ಪೊರ್ತುಡು ಪಗತೆ ಮಲ್ದೆರ್.
ಫೆ.25- ಪ್ರಥಮ ಭಾಷೆ
ಫೆ.27-ಗಣಿತ
ಫೆ.28- ದ್ವಿತೀಯ ಭಾಷೆ (ಇಂಗ್ಲಿಷ್, ಕನ್ನಡ)
ಮಾ. 1- ಹಿಂದಿ ಅತ್ತ್ಂಡ ತೃತೀಯ ಭಾಷೆ
ಮಾ. 3- ವಿಜ್ಞಾನ
ಮಾ. 4 – ಸಮಾಜ ವಿಜ್ಞಾನ ಪರೀಕ್ಷೆ ಇಪ್ಪುಂಡು.
ಸುರುತ ಮೂಜಿ ಪರೀಕ್ಷೆಲು ಕಾಂಡೆ 10ರ್ದ್ ಮಧ್ಯಾಹ್ನ 1.15ಮುಟ್ಟ ನಡಪುವ. ಬೊಕ್ಕದ ಮೂಜಿ ಪರೀಕ್ಷೆಲು ಮಧ್ಯಾಹ್ನ 2 ಗಂಟೆರ್ದ್ ಬಯ್ಯ 5/5.15 ಮುಟ್ಟ ನಡಪುವ ಪನ್ದ್ ಮಂಡಳಿ ಅಧ್ಯಕ್ಷೆರ್ ತೆರಿಪಾದೆರ್.
ಪ್ರಥಮ ಭಾಷೆದ ಪರೀಕ್ಷೆ ನೂದು ಅಂಕೊಗು ನಡತ್ಂಡ, ಒರಿನ ವಿಷಯೊಲೆನ ಪರೀಕ್ಷೆಲು 80 ಅಂಕೊಲೆಗ್ ನಡಪುವ. ಎಸ್ಸೆಸ್ಸೆಲ್ಸಿ ಪರೀಕ್ಷೆ -1ತ ಪೊರ್ತುಪಟ್ಟಿನ್ ಮಂಡಳಿ ಪ್ರಕಟ ಮಲ್ತಿತ್ತ್‌ದ್, ಮಾ. 21 ರ್ದ್ ಏ.4 ಮುಟ್ಟ ನಡಪುಂಡು.