Last updated on March 7th, 2025 at 02:24 pm
ಬೆಂಗಳೂರು, ಮಾ.07: ಮುಖ್ಯಮಂತ್ರಿಲೇ, ಗ್ಯಾರೆಂಟಿಲೆಗ್ ಕಾಸ್ ಕೊರ್ತ ಪನ್ಪಿನ ಅಹಂಕಾರೊದ ಪಾತೆರೊನು ಬುಡ್ಲೆ; ಈ ಸರ್ತಿ ಆಂಡಲಾ ವಿಧಾನಸಭಾ ಕ್ಷೇತ್ರೊಲೆನ ಬುಲೆಚ್ಚಿಲ್‌ಗ್ ಕಾಸ್ ಕೊರ್ಲೆ ಪನ್ದ್ ಬಿಜೆಪಿ ರಾಜ್ಯಾಧ್ಯಕ್ಷೆ ಬೊಕ್ಕ ಶಾಸಕೆ ಬಿ.ವೈ.ವಿಜಯೇಂದ್ರೆ ಮೇರ್ ಆಗ್ರಹ ಮಲ್ತೆರ್.
ಬಿಜೆಪಿ-ಜೆಡಿಎಸ್ ಪಕ್ಷೊಲೆನ ಜನಪ್ರತಿನಿಧಿಲೆನ ಪ್ರತಿಭಟನೆ ಇನಿ ವಿಧಾನಸೌಧೊದ ಗಾಂಧಿ ಒರುತ ಕೈತಲ್ ನಡತ್ಂಡ್. ಈ ಪೊರ್ತುಡು ಪಾತೆರ್ನ ಆರ್, ದೆಲ್ಲಿಗ್ ಪೋದು ಎಂಕ್ಲೆನ ತೆರಿಗೆ ಎಂಕ್ಲೆನ ಹಕ್ಕು ಪನ್ದ್ ನಾಟಕ ಮನ್ಪುನು ಅತ್ತ್; ಶಾಸಕೆರೆನ್ ಸಾದಿಗ್ ಕನತ್‌ದರ್. ಈ ಸರ್ತಿ ಆಂಡಲಾ ಬಜೆಟ್‌ಡ್ ಎಂಕ್ಲೆನ ಕ್ಷೇತ್ರೊಲೆಗ್ ಅನುದಾನ ಕೊರ್ಲೆ ಪನ್ದ್ ಒತ್ತಾಯ ಮಲ್ತೆರ್.
ಅನುದಾನ ಇಜ್ಜಂದೆ ಶಾಸಕೆರ್ ಆತ್ಮಹತ್ಯೆ ಮಲ್ತೊನುನ ದುಸ್ಥಿತಿಗ್ ಬೈದೆರ್ ಪನ್ಪಿನ ಕಾಂಗ್ರೆಸ್ ಶಾಸಕೆ ರಾಜು ಕಾಗೆ ಮೆರೆನ ಪಾತೆರ ಸಮ ಉಂಡು. ಕೋಡೆ ಬಿಜೆಪಿ- ಜೆಡಿಎಸ್ ಶಾಸಕೆರ್, ವಿಧಾನ ಪರಿಷತ್ ಪದುಕೆರ್ ಈ ಬಜೆಟ್‌ಡ್ ಆಂಡಲಾ ಬುಲೆಚ್ಚಿಲ್‌ಗ್ ಕಾಸ್ ಕೊರ್ಲೆ ಪನ್ಡ ಗ್ಯಾರಂಟಿಗ್ ಕೊರ್ತ ಪನ್ದ್ ಅಹಂಕಾರೊದ ಸದು ಕೊರ್ತೆರ್ ಪನ್ಡ್ ಟೀಕೆ ಮಲ್ತೆರ್. ಕ್ಷೇತ್ರೊಡು ತರೆ ದೆರ್ತ್ ನಡಪರೆ ಆವೊಂದಿಜ್ಜಿ ಪನ್ದ್ ಆಡಳಿತ ಪಕ್ಷೊದ ಶಾಸಕರೇ ಪನೊಂದುಲ್ಲೆರ್ ಪನ್ದ್ ಪನ್ಡೆರ್.