ಬಂಟ್ವಾಳ: ಒಂಜೇ ಟಯರ್‌ಡ್ ಬಸ್ ಕೊನೊವೊಂದಿತ್ತಿನಕ್ಲೆನ್ ಉಂತಾದ್ ಬಸ್ಸ್‌ನ್ ಪೋಲೀಸೆರೆಗ್ ಒಪ್ಯಾಯಿನ ಸಾರ್ವಜನಿಕೆರ್

Last updated on March 24th, 2025 at 10:49 am

ಬಂಟ್ವಾಳ, ಮಾ.24: ವಿಟ್ಲ ಬೊಕ್ಕ ಮುಡಿಪು ನಡುಟು ರಡ್ಡ್ ದಿನೊರ್ದಿಂಚಿ ಒಂಜೇ ಪಿರವುದ ಟೈರ್‌ಡ್ ಬಲ್ತೊಂದಿತ್ತಿನ ಪ್ರೈವೇಟ್ ಬಸ್ಸ್‌ನ್ ಸಾರ್ವಜನಿಕೆರ್ ಉಂತಾದ್ ವಿಟ್ಲ ಪೊಲೀಸೆರೆಗ್ ಒಪ್ಯಾದೆರ್.

ವಿಟ್ಲ, ಮುಡಿಪು ಬೊಕ್ಕ ಕುಡ್ಲ ನಡುಟು ಬಲಿಪುನ ‘ಸಾರಾ’ ಪನ್ಪಿನ ಪ್ರೈವೇಟ್ ಬಸ್ಸ್‌ದ ಪಿರವುದ ದತ್ತ ಮೆಯಿಟ್ ಒಂಜೇ ಟೈರ್ ಇತ್ತ್‌ದ್, ಅಂಚೆನೇ ಒಂಜೇ ಟಯರ್‌ಡ್ ಕೊನೊವೊಂದಿತ್ತೆರ್. ಇತ್ತಿನ ಕುಡೊಂಜಿ ಟಯರ್‌ಲಾ ಪುಡದ್ ವಿಚಿತ್ರ ಶಬ್ದ ಬರೊಂದಿತ್ತ್ಂಡಲಾ ಡ್ರೈವರ್, ಕಂಡಕ್ಟರ್ ಈ ಬಗೆಟ್ ಗೋಸ್ಮರಿ ಮಲ್ದೆರ್. ಸನಿಯಾರ ಮಧ್ಯಾಹ್ನರ್ದ್ ಐತಾರ ಮಧ್ಯಾಹ್ನ ಮುಟ್ಟ ವಿಟ್ಲ ಮುಡಿಪು ಕುಡ್ಲಗ್ ಪಿರವುದ ಒಂಜೇ ಟಯರ್‌ಡ್ ಪೋವೊಂದಿತ್ತಿನೆನ್ ತೂಯಿನ ಸಾರ್ವಜನಿಕೆರ್ ಆಕ್ರೋಶ ತೂಪಾದೆರ್.

ಪ್ರಯಾಣಿಕೆರೆ ಜೂವದೊಟ್ಟುಗು ಬಸ್ ಡ್ರೈವರ್ ಬೊಕ್ಕ ಕಂಡಕ್ಟರ್ ಗೊಬ್ಬೊಂದುಲ್ಲೆರ್ ಪನ್ದ್ ಆರೋಪಿತ್‌ದ್, ಸಾಲೆತ್ತೂರು ಪೇಂಟೆಡ್ ಬಸ್ಸ್‌ನ್ ಉಂತಾದ್ ವಿಟ್ಲ ಪೊಲೀಸೆರೆ ವಶೊಕು ಒಪ್ಯಾದೆರ್. ನಡಕೆದ ಬಗೆಟ್ ಬಂಟ್ವಾಳ ಸಾರಿಗೆ ಅಧಿಕಾರಿಲೆಗ್ಲಾ ಒಲವು ಕೊರ್ತೆರ್.

Leave a Reply

Your email address will not be published. Required fields are marked *

Share
error: Content is protected !!