Last updated on March 20th, 2025 at 06:33 pm
ಕುಡ್ಲ, ಮಾ. 20: ಗೂಗಲ್‌ಡ್ PGಗ್ ನೆಗೆಟಿವ್ ರಿವ್ಯೂ ಪಾಡಿನೆಕ್ ಇಂಜಿನಿಯರಿಂಗ್ ವಿಧ್ಯಾರ್ಥಿನ ಮಿತ್ತ್ ಪಿಜಿದ ದನಿ ಸೇರ್ದ್ ಐವೆರೆ ಕೂಟ ಹಲ್ಲೆ ಮಲ್ತಿನ ನಡಕೆ ಮಾರ್ಚ್ 17 ತಾನಿ ರಾತ್ರೆ 10.30ತ ಅಂದಾಜಿಗ್ ಕದ್ರಿ ಪೊಲೀಸ್ ಸ್ಟೇಶನ್‌ ಸೀಮೆಡ್ ನಡತ್‌ದ್ಂಡ್.
ಪೆಟ್ಟ್ ತಿನ್ತಿನ ಜವನನ್ ಕಲಬುರಗಿ ಮೂಲೊದ ವಿಕಾಸ್ ಪನ್ದ್ ಗುರ್ತ ಪತ್ತ್‌ದೆರ್. ವಿಕಾಸ್ ಕರಿನ ಆಜಿ ತಿಂಗೊಲುರ್ದ್ ಪಿಜಿಡ್ ಇತ್ತ್‌ದ್, ಬೊಕ್ಕ ಬೇತೆ ಕಡೆಕ್ ಪೋದಿತ್ತೆರ್ ಪನ್ದ್ ಪೊಲೀಸೆರ್ ತೆರಿಪಾದೆರ್. ವಿಕಾಸ್ ಕೊರ್ತಿನ ಒಯಿಲ್‌ದ ಪ್ರಕಾರ, ಆರ್ ಗೂಗಲ್‌ಡ್ ಪಿಜಿದ ಬಗೆಟ್ ನೆಗೆಟಿವ್ ರಿವ್ಯೂ ಪೋಸ್ಟ್ ಮಲ್ತಿತ್ತೆರ್. ತೆನಸ್‌ಡ್ ಪುರಿಕುಲು ತಿಕ್ಕುನು, ನಿರ್ಮಲದಾಂತಿನ, ಮಡಿದಾಂತಿನ ಶೌಚಾಲಯೊಲೆನ ಸಮಸ್ಯೆಲೆನ್ ಬರೆದ್ ಪಿಜಿಗ್ ಸಿಂಗಲ್-ಸ್ಟಾರ್ ರೇಟಿಂಗ್ ಕೊರ್ದಿತ್ತೆರ್.
ಉಂದೆರ್ದ್ ಪಿಸಿರಾಯಿನ ಪಿಜಿದ ದನಿ ಸಂತೋಷ್, ವಿಕಾಸ್‌ಡ ಗೂಗಲ್‌ಡ್ ರಿವ್ಯೂ ಡಿಲೀಟ್ ಮನ್ಪೆರ ಒತ್ತಾಯ ಮಲ್ತ್‌ದೆರ್. ಉಂದೆಕ್ ವಿಕಾಸ್ ಒತ್ತೊನಂದಿನಪಗ, ಸಂತೋಷ್ ಬೇತೆ ನಾಲ್ವೆರೆ ಒಟ್ಟು ಸೇರ್ದ್ ಆಯನ ಮಿತ್ತ್ ಹಲ್ಲೆ ಮಲ್ತ್‌ದ್ ರಿವ್ಯೂ ಡಿಲೀಟ್ ಮನ್ಪೆರ ಒತ್ತಾಯ ಮಲ್ತ್‌ದೆರ್ ಪನ್ದ್ ಆರೋಪ ಕೇನ್ದ್ ಬೈದ್ಂಡ್. ಸಂತ್ರಸ್ತೆ ಕೊರ್ತಿನ ಒಯಿಲ್‌ದ ಮಿತ್ತ್ ಪಿಜಿದ ದನಿ ಬೊಕ್ಕ ಒಟ್ಟುಗಿತ್ತಿನಕ್ಲೆನ ಮಿತ್ತ್ ಪ್ರಕರಣ ದಾಕಲ್ತ್‌ದಿತ್ತ್‌ದ್, ಎಚ್ಚಿನ ಜಡ್ತೆ ನಡತೊಂದುಂಡು ಪನ್ದ್ ಪೊಲೀಸೆರ್ ತೆರಿಪಾದೆರ್.