Last updated on March 31st, 2025 at 05:16 pm
ಇನಿ ಈದ್ ಮಿಲಾದ್ ಪರ್ಬದ ಪ್ರಯುಕ್ತ ಮುಸ್ಲಿಂ ಬಾಂಧವೆರ್ ಪರ್ಬದ ಕುಸಿಟ್ ಉಲ್ಲೆರ್. ಈ ನಡುಟು ರಾಜಸ್ಥಾನ್‌ದ ಜೈಪುರಡ್ ಮುಸ್ಲಿಂ ಮೆರವಣಿಗೆದ ಪೊರ್ತುಡು ಹಿಂದೂಲು ಪೂ ಬಿರ್ಕುನ ವಿಡಿಯೋ ಮಾತೆರೆನ ಗೇನ ತನ್ನಂಚಿ ಒಯ್ತ್‌ದ್ಂಡ್. ಧಾರ್ಮಿಕ ಮೆರವಣಿಗೆದ ಪೊರ್ತುಡು ಕೋಮು ಕೊಲಲ ಆಪಿನೆನ್ ತೂತ, ಅವೆತ ನಡುಟು ಈ ನಡಕೆ ವಿಶೇಷ ಆದ್ ಉಂತುಂಡು.
ಮುಲ್ಪದ ಹಿಂದೂಲು ಕೋಮು ಸೌಹಾರ್ದತೆ ತೂಪಾದೆರ್. ಈ ವಿಡಿಯೋನ್ ಸೋಷಿಯಲ್ ಮೀಡಿಯಾ‌ಡ್ ಮಾತಾ ಪುಗರೊಂದುಲ್ಲೆರ್.
ಇದ್ಗಾ ಆಚರಣೆದ ಲೆಕ್ಕೊಡು ಜೈಪುರಡ್ ಪಾಕ ಜನ ಮುಸ್ಲಿಮೆರೆ ಕೂಟ ಮೆರವಣಿಗೆ ಮಲ್ತೊಂದಿತ್ತ್ಂಡ್. ಈ ಪೊರ್ತುಡು ಮಾಲಿಗೆದ ಮಿತ್ತ್‌ರ್ದ್ ಹಿಂದೂಲು ಪೂ ಬಿರ್ಕ್‌ದ್ ಎದ್ಕೊಂದೆರ್. ಈ ಮುಕೇನ ಈದ್ ಪರ್ಬೊಗು ಎಡ್ಡೆಪ್ಪು ಬಯಕ್‌ದೆರ್.
ಕೆಲ ಕಡೆಟ್ ಕೋಡೆ ಬೊಕ್ಕ ಕೆಲ ಕಡೆಟ್ ಇನಿ ಮುಸ್ಲಿಮೆರ್ ಪರ್ಬ ಕರಿತೊಂದುಲ್ಲೆರ್.. ಈದ್ ಪರ್ಬದ ಪೊರ್ತುಡು ಪಾಕ ಜನ ಸೋಷಿಯಲ್ ಮೀಡಿಯಾ ಮುಕೇನ ಎಡ್ಡೆಪ್ಪುದ ಸೊಲ್ಲಂಜ ಕಡಪುಡೊಂದುಲ್ಲೆರೊ. ಆಂಡ ಅವೆತ ನಡುಟು ಈ ವಿಡಿಯೋ ಮಾತೆರ್ನ ಗೇನ ಒಯ್ತ್‌ದ್ಂಡ್.