Last updated on March 27th, 2025 at 07:35 am
ಒಡಿಪು: ತುಳುಭಾಷೆದ ಒರಿಪು-ಅರಿಪು, ಇತ್ತೆದ ಬೊಕ್ಕ ನನದ ತರೆಮಾರ್‌ಗ್ ತುಳು ಭಾಷೆ, ಸಾಹಿತ್ಯ ಬೊಕ್ಕ ಪರಪೋಕು‌ದ ಪುರಪು ಪಸೆರಾವೊಡು ಪನ್ಪಿ ದಿಟ್ಟಿಡ್ ತುಳು ಕಲ್ಚರಲ್ ರಿಸರ್ಚ್ ಫೌಂಡೇಶನ್ (ರಿ.) ಉಂದುವೇ ಬರ್ಪಿನ ಎಪ್ರಿಲ್ 13 ನೇ ಐತಾರದಾನಿ ಕಟ್ಪಾಡಿದ ಶ್ರೀ ವಿಶ್ವನಾಥ ಕ್ಷೇತ್ರೊಡು ‘ತುಳುನಾಡ್ ಕಾನ್‌ಕ್ಲೇವ್- 2025’ ಪುದರ್‌ಡ್ ತುಳು ಸಮಾವೇಶದ ಅಟ್ಟನೆ ಮಲ್ದೆರ್.
ಬೇತೆ ಬೇತೆ ವಿದ್ವಾಂಸೆರ್, ಗಣ್ಯೆರ್ ಪಾಲ್‌ಪಡೆಪಿನ ಈ ಲೇಸ್‌ಡ್ ‘ಕೆಮ್ಮಣ್ಣು ಸಿಸ್ಟರ್ಸ್’ ಮೊಕ್ಲೆನ ತುಳು ಶಾಸ್ತ್ರೀಯ ಸಂಗೀತ ದ ಲೇಸ್ ನಡಪುಂಡು. ವಿಶೇಷ ಪನ್ಡ ಈ ಲೇಸ್ ಸಂಪೂರ್ಣವಾದ್ ತುಳುಟೇ ನಡಪುಂಡು.
ಶರಣ್ಯಾ ಕೆ ಎನ್ ಬೊಕ್ಕ ಸುಮೇಧಾ ಕೆ ಎನ್ ಮೊಕುಲು ನಡಪಾದ್ ಕೊರ್ಪುನ ಈ ಶಾಸ್ತ್ರೀಯ ಸಂಗೀತ ಲೇಸ್‌‌ಗ್ ಬತ್ತ್‌ದ್, ತುಳು ಸಂಗೀತ ಲೋಕೊಡು ಪಜ್ಜೆ ದೀಯೆರೆ ತುಳುನಾಡ್ ಕಾನ್‌ಕ್ಲೇವ್ ಆಯೋಜಕೆರ್ ಮಾತಾ ತುಳುವೆರೆಗ್ ಲೆಪ್ಪು ಕೊರೊಂದುಲ್ಲೆರ್.