Last updated on April 20th, 2025 at 02:25 pm
ಕುಡ್ಲ, ಏ.20: ಬಜಲ್‌ದ ಕಟ್ಟಪುಣಿಟ್ ಇತ್ತಿನ ಕೊಪ್ಪಳ ಮೂಲೊದ ಶಿವಪುತ್ರಪ್ಪ ಮೆರೆನ ಮಗಲ್ ಯಲ್ಲಮ್ಮ (18) ಏಪ್ರಿಲ್ 14 ರ್ದ್ ನಾಪತ್ತೆ ಆತಲ್.
ವರದಿಲೆನ ಪ್ರಕಾರ, ಶಿವಪುತ್ರಪ್ಪ ಮೇರ್ರು ಏಪೊಲ್ದ ಲೆಕ ಕಾಂಡೆ 7 ಗಂಟೆಗ್ ಉಳ್ಳಾಲದ ಆಜಾದ್ ನಗರೊಡು ಬೇಲೆಗ್ ಪೋದಿತ್ತೆರ್, ಆರೆನ ಬೊಡೆದಿಲಾ ಬೇಲೆಗ್ ಪೋದಿತ್ತೆರ್. ಆ ಪೊರ್ತುಡು ಯಲ್ಲಮ್ಮ ಇಲ್ಲಡ್ ಒರ್ತಿಯೇ ಇತ್ತಲ್. ಆಂಡ, ಬಯ್ಯಡ್ ಅಪ್ಪೆಅಮ್ಮೆ ಪಿರ ಬತ್ತ್ ತೂನಗ, ಇಲ್ಲಗ್ ಪಿದಯಿರ್ದ್ ಬೀಗ ಪಾಡ್ದಿತ್ತ್ಂಡ್, ಯಲ್ಲಮ್ಮ ಒಲ್ಪಲಾ ತೋಜೊಂದಿಜ್ಜಂಡ್. ಬೀಗದ ಕೀ ಅಲ್ಪನೇ ಬೂರ್ದಿತ್ತ್ಂಡ್. ಅಂಚೆನೇ ಆಲೆನ ಮೊಬೈಲ್ ಫೋನ್‌ಲಾ ಸ್ವಿಚ್ ಆಫ್ ಆದಿತ್ತ್ಂಡ್. ಮಾತಾ ಜಾಗೆಡ್ ಆಲೆನ್ ನಾಡ್ಂಡಲಾ ಒಲ್ಪಲಾ ತಿಕ್ಕ್‌ದಿಜಲ್.
ಯಲ್ಲಮ್ಮ ಸುಮಾರ್ 4 ಫೀಟ್ ಎತ್ತರ, ಎಣ್ಣೆ ಕಪ್ಪು ಮೈಬಣ್ಣ, ಗಟ್ಟಿ ಶರೀರ ಅಂಚೆನೇ ಉರುಂಟು ಮೋನೆದಾಲ್. ಆಲ್ ಚೂಡಿದಾರ್ ಪಾಡ್ದಿತ್ತ್ಲೊ ಅಂಚೆನೇ ಕನ್ನಡ ಪಾತೆರುವಲ್.
ಆಲೆನ ಬಗೆಟ್ ಒವ್ವೇ ಒಲವು ತಿಕ್ಕ್ಂಡಲಾ ಕಂಕನಾಡಿ ನಗರ ಪೊಲೀಸ್ ಸ್ಟೇಶನ್‌ಗ್ ತೆರಿಪಾಯೆರೆ ಪೊಲೀಸೆರ್ ಪನ್ತೆರ್.