Last updated on April 26th, 2025 at 05:59 pm
ಲಾಹೋರ್, ಎ. 26: ಕಾಶ್ಮೀರೊದ ಪಹಲ್ಗಾಮ್‌ಡ್ ಪ್ರವಾಸಿಗೆರೆನ್ ಕೆರ್ತಿನ ಭಯಯೋತ್ಪಾದಕೆರೆನ್ ಸಾಂಕುನ ಪಾಕಿಸ್ತಾನೊದ ಮಿತ್ತ್ ಭಾರತ ಕಠಿಣ ಕ್ರಮ ಗೆತೊಂದಿತ್ತ್‌ದ್, ಪಾಕಿಸ್ತಾನೊಗು ರಾಜತಾಂತ್ರಿಕವಾದ್ ಸಮ ಪೊಲಿ ಕೊರ್ತುಂಡು. ಪಾಕಿಸ್ತಾನೊಗು ಪರಪುನ ಸಿಂಧೂ ಸುದೆತ ನೀರ್‌ನ್ ಉಂತಾದಿನ ಭಾರತ ಸರಕಾರೊದ ಕ್ರಮೊಕು ಇತ್ತೆ ಪಾಕಿಸ್ತಾನೊದ ನಾಯಕೆರ್ ಪಿಸಿರಾದಿತ್ತ್‌ದ್, ಸಾರ್ವಜನಿಕ ಸಭೆಕುಲೆಡ್ ಭಾರತೊದ ವಿರುದ್ದ ಪುರಿ ಬಿರ್ಕೊಂದು ನಂಜಿ ಪಾತೆರೊಂದು ಪಿಸಿರ್ ತೂಪಾವೊಂದುಲ್ಲೆರ್.
ಪಾಕಿಸ್ತಾನೊಗು ಬುದ್ದಿ ಕಲ್ಪಾಯೆರ ಸಿಂಧೂ ಸುದೆತ ನೀರ್ ಕಟ್ಟ್‌ದಿನ ಭಾರತೊದ ಬೇಲೆಗ್ ಪಿಸಿರಾದ್ ಪಾಕಿಸ್ತಾನ್ ಪೀಪಲ್ಸ್ ಪಾರ್ಟಿದ ಗುರ್ಕಾರೆ ಬಿಲಾವಲ್ ಭುಟ್ಟೋ-ಜರ್ದಾರಿ ಭಾರತೊದ ಈ ಕ್ರಮೊನು ಟೀಕೆ ಮಲ್ತ್‌ದೆ. ಸಾರ್ವಜನಿಕ ರ್‍ಯಾಲಿನ್ ಉದ್ದೇಶಿತ್‌ದ್ ಪಾತೆರ್ನಗ ಭುಟ್ಟೋ-ಜರ್ದಾರಿ, ಸಿಂಧೂ ಎಂಕ್ಲೆನವು, ಅವ್ವು ಏಪೊಗುಲಾ ಎಂಕ್ಲೆನವೇ ಆದುಪ್ಪುಂಡು. ನೀರ್ ಬುಡ್ಯರ್ನ್ಡ ಸೈ ಇಜಿಂಡ ನಿಕ್ಲೆನ ನೆತ್ತೆರ್ ಪರಪುಂಡು ಪನ್ದ್ ಪನ್ಪಿನ ಮುಕೇನ ಯುದ್ಧೊಗು ಪರೋಕ್ಷವಾದ್ ಲೆಪ್ಪು ಕೊರ್ತೆ.