Last updated on April 23rd, 2025 at 10:02 pm
ದೆಲ್ಲಿ, ಎ.23: ಇಡೀಯ ದೇಶೊನೇ ನರ್ಗಾಯಿನ ಪಹಲ್ಗಾಮ್ ದಾಳಿದ ಬೆರಿಟೇ ಭಾರತ ಪಾಕಿಸ್ತಾನೊದ ಮಿತ್ತ್ ಬೋಡಾಪಿನ ರಾಜತಾಂತ್ರಿಕ ಕ್ರಮೊಕುಲೆನ್ ಗೆತೊನೊಂದುಂಡು. ಎಪ್ರಿಲ್ 22 ತಾನಿ ನಡತಿನ ಭೀಕರ ದಾಳಿಡ್ 26ರ್ದ್ಲಾ ಎಚ್ಚ ಜನ ಜೂವ ಬುಡ್ತೆರ್.
ಭಾರತ ಪಾಕಿಸ್ತಾನೊದ ನಡುಟು 1960ಡ್ ಹಿಮಾಲಯಡ್ ಪುಟ್ಟುನ ಸಿಂಧೂ ಸುದೆ ಬೊಕ್ಕ ಅವೆತ ಒತ್ತುಸುದೆಕ್ಲೆನ ನೀರ್ನ್ ಪಟ್ಟೊನುನ ಬಗೆಟ್ ಸಿಂಧೂ ಸುದೆ ನೀರ್ದ ಒಪ್ಪಂದ ಆದಿತ್ತ್ಂಡ್. ಇತ್ತೆ ಪಾಕಿಸ್ತಾನ ತನ್ನ ಗಡುಕಡತ್ದ್ ಪಿದಯಿ ನಡಪಾವುನ ಭಯೋತ್ಪಾದಕ ಬೇಲೆಲೆನ್ ಉಂತಾವುನೇಟ ಭಾರತ ಈ ಒಪ್ಪಂದೊನು ಕಡಿತೊಂದುಂಡು.
ಉಂದೆತ ಒಟ್ಟುಗು ಭಾರತ ನನಲಾತ್ ಕ್ರಮೊಕುಲೆನ್ ಗೆತೊಂದುಂಡು. ವಾಘಾ ಅಟ್ಟಾರಿ ಪಾಸ್ನ್ ಇತ್ತೆರ್ದ್ ಇತ್ತೆಗೇ ಬಂದ್ ಮಲ್ದ್ಂಡ್.
ಮೇ 1 ಕ್ ದುಂಬು ಭಾರತೊಡುಪ್ಪುನ ಪಾಕಿಸ್ತಾನಿಯೆರ್ ಮುಲ್ಪರ್ದ್ ಪೋವೊಡು ಪನ್ದ್ ಸುತ್ತೋಲೆ ಪೀದಡ್ಪುದುಂಡು.
SAARC ವೀಸಾಡ್ ಪಾಕಿಸ್ತಾನದಕುಲು ನನ ಭಾರತೊಗು ಬರ್ಯೆರ ಆಪುಜಿ. ಇತ್ತೆ ಕೊರ್ತಿನ ಮಾತಾ ವೀಸಾಲೆನ್ಲಾ ಭಾಲತ ಕ್ಯಾನ್ಸಲ್ ಮಲ್ದ್ಂಡ್.
ಹೈ ಕಮಿಷನ್ಡ್ ಇಪ್ಪುನ ಸಿಬ್ಬಂದಿಲೆನ ಸಂಖ್ಯೆನ್ 30 ಗ್ ಜಪ್ಪುಡಾದ್ಂಡ್.